💥महिला दिनानिमित्त संशोधन अभियंता डाॅ.स्मिता सोळंकी यांचा इंडियन रिपोर्ट्स असोसिएशन च्या वतीने सन्मान...!

💥जेष्ठ पत्रकार मदन बापु कोल्हे यांनी डॉ.स्मिता सोलंकी यांचा सत्कार करुन गौरव केला💥

परभणी (दि.१२ मार्च) - येथील वसंतराव नाईक मराठवाडा कृषि विद्यापीठामधील संशोधन अभियंता डाॅ.स्मिता सोलंकी यांचा जागतिक महिला दिनाच्या निमित्ताने इंडियन रिपोर्ट्स असोसिएशन च्या वतीने सन्मान करण्यात आला.

अखिल भारतीय समन्वयीत संशोधन प्रकल्प - कृषि क्षेत्रात पशु शक्तीचा योग्य वापर योजनेच्या वसंतराव नाईक मराठवाडा कृषि विद्यापीठ परभणी येथील संशोधन अभियंता डाॅ.स्मिता सोलंकी यांनी शेतकरी, विशेषत: महिला शेतकरी, शेतमजूर यांना कृषी यांत्रिकीकरणाबाबत मार्गदर्शन , विकसित कृषि औजाराचा कार्यक्षम वापर करून प्रगत शेती द्वारे आर्थिक उन्नती साधुन सक्षम करणे तसेच तळागाळातील गरीब दुर्बल महिलांचे जिवनमान उंचावण्यासाठी महिला गृह उद्योग उभारुन बचत गटाच्या माध्यमातून विविध प्रकारचे उत्पादनासाठी यंत्रसामुग्री आणि मशिन्स बाबत मार्गदर्शन करणे या कार्याची दखल घेऊन इंडियन रिपोर्ट्स असोसिएशन नविदिल्ली चे परभणी जिल्हा अध्यक्ष, जेष्ठ पत्रकार मदन बापु कोल्हे यांनी डॉ.स्मिता सोलंकी यांचा सत्कार करुन गौरव केला आहे.

  वसंतराव नाईक मराठवाडा कृषि विद्यापीठात , परभणी शहरातील विविध ठिकाणच्या महिला व बचत गटांच्या कार्यकर्त्यांच्या उपस्थितीत झालेल्या या कार्यक्रमात इंडियन रिपोर्ट्स असोसिएशन चे परभणी मिडिया चिफ देवानंद वाकळे व परभणी तालुका अध्यक्ष अ.रहिम यांनीही डॉ.स्मिता सोलंकी मॅडम चा सत्कार केला.यावेळी अपारंपारिक ऊर्जा स्त्रोत,कृअतंम चे विभाग प्रमुख, डॉ.राहुल रामटेके,'आत्मा' च्या समन्वयक सौ.स्वाती घोडके , ग्रामीण भागातील यशस्वी लाभधारक सौ.अवरगंड माकणीकर आदी ची प्रमुख उपस्थिती लाभली होती....