💥जिल्हाधिकारी साहेब....भारत-पाकीस्तान युध्दात शहिद झालेल्या विरजवानाच्या बलिदानाची दखल घेणार तरी केव्हा ?

💥सन १९६५ च्या भारत-पाकीस्तान युध्दात हौतात्म पत्करलेल्या विरजवानाची जिल्हाधिकारी कार्यालयात अद्यापही नोंद नाही💥

परभणी ; सन १९६५ या साली झालेल्या भारत-पाकीस्तान युध्दात शत्रू सैन्याने केलेल्या रॉकेट हल्ल्यात हौतात्म पत्करलेल्या तत्कालीन परभणी-हिंगोली या संयुक्त जिल्ह्यातील पुर्णा तालुक्यातील गौर येथील एकमेव जवान सुर्यकांत नामदेवराव जोगदंड या विर जवानाच्या कुटुंबाला सन्मानीत करणे तर सोडाच परंतु जिल्हा प्रशासनाने मागील संबंधित शहिद जवानाची मागील ५६ वर्षापासून जिल्हाधिकारी कार्यालयात साधी नोंद सुध्दा केली नसल्याने असे निदर्शनास येते जिल्हा प्रशासनाकडून या शहिद विरजवानाच्या कुटुंबास मागील १९६५ ते २०२१ या ५६ वर्षाच्या कालावधीत सातत्याने अपमानीत केले जात आहे.

सन १९६५ मध्ये भारत-पाकीस्तान या राष्ट्रातील युध्दात सिमेवर अडकलेल्या भारतीय जवानांना खाद्य सामग्रीसह इतर रसद पुरवण्यास हेलीकॉप्टर मधून जात असतांना शत्रू सैन्याने केलेल्या रॉकेट हल्ल्यात विरजवान सुर्यकांत नामदेवराव जोगदंड (६३५३७७६/एस.एच.जी.डी हे शहिद झाले होते या घटने नंतर सैन्य दलाने त्यांचेच्या साहित्यासह त्यांची अनामत घेऊन पुर्णा तालुक्यातील गौर गावातील त्यांच्या कुटुंबाला देण्यासाठी आले असता त्यांच्या जोगदंड कुटुंबातील सदस्यांना आमचा सुपुत्र देशासाठी शहिद झाल्याचा आम्हाला सार्थ अभिमान आहे असे म्हणून जर आमचा सुपुत्रच राहिला नाही तर आम्ही त्याच्या साहित्याचे व पैशाचे घेऊन तरी काय करणार ? असा प्रश्न उपस्थित करून सन्मानाने सैन्यदलातील अधिकाऱ्यांना रवाना केले.अत्यंत स्वाभिमानी व देशभक्त असलेल्या या जोगदंड कुटुंबाला प्रशासनाकडून केवळ सन्मानाची अपेक्षा होती परंतु प्रशासनाकडून या शहिद विरजवानाचा मागील ५६ वर्षापासून सातत्याने अपमानच केला जात असून जिल्हाधिकारी कार्यालयात या शहिद विरजवानाच्या नावाची साधी नोंद ही नसल्यामुळे शेवटी शहिद विरजवान सुर्यकांत जोगदंड कुटुंबातील सदस्य असलेल्या शरद विश्वनाथराव जोगदंड यांना दि.१५ जुलै २०२१ रोजी जिल्हाधिकारी दिपक मुगळीकर यांना शहिद जवान सुर्यकांत जोगदंड यांच्या नावाची नोंद करण्या संदर्भात अर्जाद्वारे विनंती करावी लागली शहिद विरजवान सुर्यकांत जोगदंड यांच्या कुटुंबाचा जिल्हा प्रशासनाने सन्मान करणे तर सोडाच पण जिल्हाधिकारी कार्यालयात साधी नोंद सुध्दा करण्यात आलेली नसल्यामुळे हा शहिद विरजवान सुर्यकांत जोगदंड यांच्यासह कुटुंबाचा अपमानच नव्हे काय ?