💥मनमाड-धर्माबाद मराठवाडा या धावत्या प्रवासी एक्सप्रेस गाडीतून पडून २६ वर्षीय युवक गंभीर जखमी....!

💥जखमी युवकास रेल्वे प्रवासी सेनेच्या बहाद्दर टिमने बैलगाडीत टाकून तात्काळ हायवेवर आणून उपचारासाठी पोहोचवले रुग्णालयात💥

औरंगाबाद (दि.२६ जुलै २०२१) - मनमाड-धर्माबाद मराठवाडा एक्सप्रेस या प्रवासी रेल्वे गाडीतून आपल्या कुटुंबासह प्रवास करणारा एक २६ वर्षीय युवक डि-८ या क्रमाकांच्या कोचमधून धावत्या गाडीतून ८३/५-६ किलोमीटर या ठिकाणी पडल्याने गंभीर जखमी झाल्याची घटना आज सोमवार दि.२६ जुलै २०२१ रोजी सायं.०४-३० वाजेच्या सुमारास लासूर ते पोटून रेल्वे स्थानका सदरील घटना घडली या घटनेची माहिती समजताच रेल्वे प्रवासी सेनेच्या बहाद्दर टिमने तात्काळ बैलगाडीने प्रवास करीत घटनास्थळ गाठून गभीर जखमी युवकास नागपूर-मुंबई हायवे रोडपर्यंत आणून पुढील उपचारासाठी १०८ अंबुलन्सच्या साहाय्याने औरंगाबाद येथील घाटी शासकीय रुग्णालयात पाठवले आहे. 

हायकोर्ट एक्सप्रेस मधून प्रवास करीत असलेल्या जखमी युवकाचे नाव सय्यद जुबेर सय्यद सफिउद्दीन असे असून तो नाशिक जिल्ह्यातील मालेगाव येथील ताडविनगर येथील रहिवासी असल्याचे समजते सदरील युवकाला रेल्वे प्रवासी सेनेचे अध्यक्ष संतोषकुमार सोमानी व त्यांच्या बहाद्दर टिमने वेळेवर घटनास्थळावर पोहोचून रुग्णालयात पोहोचवले नसते तर कदाचित त्या जखमी युवकाला जागेवरच आपले प्राण गमवावे लागले असते रेल्वे प्रवासी सेनेचे अध्यक्ष संतोषकुमार सोमानी व त्यांच्या बहाद्दर टिमचे करावे तितके कौतुक कमीच म्हणावे लागेल रेल्वे प्रवासी सेनेच्या मानुसकीला व बहाद्दुरीला शतशः सलाम....   

💥रेल्वे प्रवासी सेना प्रवासी वर्गावर येणाऱ्या प्रत्येक संकटावेळी धावून येवून प्रवाशांना मदत करते...

रेल्वे सेना टीम चे न्यानेश्वर भांडे,महेंद्र कुकलारे तर घरातील लक्ष्मण भांडे , स्वरूपचंद कुकलारे , सौ सुनीता अशोक भांडे , राणी जालिंदर अवधूत ( सर्व शेतकरी आहेत) यांनी रेल्वे सेना अध्यक्ष संतोषकुमार सोमाणी यांनी केलेल्या मार्गदर्शन प्रमाणे त्या जखमीस पावसामुळे खूपच चिखल झालेल्या असल्याने दुचाकी वरून जाता येत नसल्याने बैलगाडी त बसवून  त्याच्या डोक्यास रुमालाने बांधून खाली पोते अंथरून सुलतानाबाद पर्यंत आणले तिथे पोहचण्या पर्यंत 108 ची रुग्णवाहिका पोहचली 

या सर्व गोष्टी लक्षात घेता रेल्वे गेट मॅन शरद खरात यांनी समनव्यातुन त्यास गोल्डन वेळेत घाटीत रुग्णालयात दाखल करण्यात आल्याने जीव वाचविण्यात यश डोक्याला गंभीर जखमा झाल्या आहेत 

प्रकृती गंभीर असून उपचार सुरू आहेत