🌟बोगीला आग लागण्याच्या घटनेने रेल्वे स्थानकावर प्रवाशांत प्रचंड दहशत निर्माण झाल्याचे चित्र देखील पहावयास मिळाले🌟
नांदेड (दि.२६ डिसेंबर) - हुजूर साहीब नांदेड येथील रेल्वे स्थानकावर साफसफाई व दुरूस्तीसाठी उभा असलेल्या प्रवासी रेल्वे बोगीला आज मंगळवार दि.२६ डिसेंबर २०२३ रोजी सकाळी ०९-०० वाजेच्या सुमारास अचानक भाषण आग लागल्याची घटना घडली. या घटने संदर्भात माहिती मिळताच रेल्वे अधिकारी/कर्मचाऱ्यांनी तात्काळ धावपळ करीत आग विझवल्याने मोठा अनर्थ टळला यावेळी रेल्वे बोगीला आग लागण्याच्या घटनेने रेल्वे स्थानकावर प्रवाशांत प्रचंड दहशत निर्माण झाल्याचे चित्र देखील पहावयास मिळाले.
रेल्वे स्थानकावर साफसफाई व दुरूस्तीसाठी उभा असलेल्या रेल्वेच्या एका बोगीला अचानक आग लागल्याची घटना घडली. पाहता पाहता आगीने रौद्ररूप धारण केल्याने बोगी जळून खाक झाली. रेल्वेच्या वरीष्ठ अधिकारी व कर्मचा-यांनी धावपळ करीत आगीवर नियंत्रण मिळवल्याने पुढील अनर्थ टळला. परंतू ही आग नेमकी कशामुळे याबद्दलची माहिती समजू शकली नाही. दरम्यान या घटनेमुळे प्रवाशांमध्ये धावपळ सुरू झाल्याचे चित्र पहावयास मिळाले......
0 टिप्पण्या