🌟कुख्यात सचिन उर्फ बेडक्याला एमपीडीए अंतर्गत 1 वर्षाची शिक्षा🌟
हिंगोली : हिंगोली जिल्ह्यातील गुन्ह्यांसह गुन्हेगारांवर नियंत्रण ठेवण्यासाठी व कायदा व सुव्यवस्था अबाधित राखण्यासाठी हिंगोली जिल्ह्याचे कर्तव्यदक्ष कर्तव्यतत्पर जिल्हा पोलीस अधिक्षक जी.श्रीधर हे व्यावसायिक गुन्हेगारांवर धडक कारवाई करत आहेत. या संदर्भात सातत्याने गुन्ह्यांमध्ये सहभागी असलेल्या हिंगोली शहरातील कुख्यात आरोपीला एमपीडीए कायद्यान्वये 1 वर्षासाठी कारागृहात रवानगी करण्यात आली आहे.
हिंगोली शहरातील पारधीवाडा येथील आरोपी सचिन उर्फ बेडक्या श्याम काळे याच्यावर गेल्या अनेक वर्षांपासून हिंगोली शहर पोलीस ठाण्यात शारिरीक हल्ल्यासारखे ०८ गंभीर गुन्हे दाखल आहेत. आरोपी सचिन काळे याच्या वर्तनात कोणतीही सुधारणा होत नसल्याने समाजासाठी ते जीवघेणे ठरत असून नागरिकांमध्ये भीतीचे वातावरण निर्माण होत आहे हे पाहून हिंगोली शहर पोलीस ठाण्याचे पोलीस निरीक्षक विकास पाटील यांनी अप्पर पोलीस अधीक्षक अर्चना पाटील यांच्यामार्फत आरोपी सचिन काळे याच्या विरोधात महाराष्ट्र झोपडपट्टीवासीय, हातगाडीवाले, अंमली पदार्थांचे गुन्हेगार, धोकादायक व्यक्ती, दृकश्राव्य कामे करणाऱ्यांविरुद्ध गुन्हा दाखल केला. हानीकारक क्रियाकलाप प्रतिबंधक कायदा- १९८१ अंतर्गत परवाना नसलेल्या प्रदर्शकांवर (व्हिडिओ चाचे, वाळू तस्कर आणि जीवनावश्यक वस्तूंचा काळाबाजार करणारे) बंदी घालण्याचा प्रस्ताव पाठवण्यात आला होता.
या प्रकरणाचा तपास केल्यानंतर एसपी श्रीधर यांनी एमपीडीए अंतर्गत कारवाई करण्याचा प्रस्ताव तयार करून तो जिल्हा दंडाधिकारी कार्यालयाकडे पाठवला. या प्रस्तावाची शहानिशा केल्यानंतर जिल्हा दंडाधिकारी जितेंद्र पापळकर यांनी आरोपी सचिन काळे याला एक वर्षासाठी परभणी कारागृहात ठेवण्याचे आदेश दिले. जिल्ह्यातील शांतता व कायदा व सुव्यवस्था राखण्यासाठी एमपीडीए अंतर्गत पोलीस अधीक्षक जी. श्रीधर यांनी केलेली ही २६ वी कारवाई आहे...
0 टिप्पण्या