💥परभणी जिल्ह्यात दुचाकी वाहन नोंदणीसाठी नवी मालिका सुरु.....!

💥जिल्ह्यात दुचाकी (एमसीवाय) वाहनांसाठी लवकरच एमएच 22 बीए ही नवीन मालिका सुरु करण्यात येत आहे💥

परभणी (दि.01 फेब्रुवारी) : उपप्रादेशिक परिवहन कार्यालयाकडून दुचाकी (एमसीवाय) वाहनांसाठी लवकरच एमएच 22 बीए ही नवीन मालिका सुरु करण्यात येत आहे. तरी इच्छुक नवीन वाहन खरेदी करणाऱ्या वाहनधारकांनी  विहित नमुन्यात विहित पसंती क्रमांकाच्या शुल्काचा धनादेश उपप्रादेशिक परिवहन अधिकारी, परभणी यांच्या नावे 1 ते 3 फेब्रुवारीपर्यंत जमा करावेत, असे आवाहन उपप्रादेशिक परिवहन अधिकारी श्रीमती अश्विनी स्वामी यांनी केले आहे.

नवीन नोंदणी वितरकांच्या स्तरावर होत असल्यामुळे लिलावाच्या दिनांकात बदल करण्याचा पूर्ण अधिकार या कार्यालयाकडे राहील. एका पसंती क्रमांकासाठी दोन किंवा अधिक अर्ज प्राप्त झाल्यासच लिलाव घेण्यात येईल. तसेच नोंदणी क्रमांक वितरकाच्या स्तरावर मंजूर होत असल्याने काही तांत्रिक अडचण उद्भवल्यास लिलाव मागील किंवा पुढील दिनांकास करण्याचे सर्वाधिकार या कार्यालयाकडे राहतील. तरी जास्तीत - जास्त वाहनधारकांनी पसंती क्रमांकासाठी अर्ज करावे, असे उपप्रादेशिक परिवहन अधिकारी श्रीमती स्वामी यांनी कळविले आहे....