💥परभणी जिल्ह्यात आज बुधवार दि.२४ मार्च रोजी सायंकाळी सातपासून ३१ मार्च पर्यंत संचारबंदी....!

💥जिल्ह्यातील अत्यावश्यक सेवेस मात्र देण्यात आली सुट💥

परभणी (दि.२४ मार्च) - जिल्ह्यात कोरोना विषाणूचा वाढता प्रादूर्भाव रोखता यावा व कोरोनाची साखळी तुटावी या एकमेव उद्देशाने खबरदारीचा उपाय म्हणून जिल्ह्याचे कर्तव्यदक्ष जिल्हाधिकारी दीपक मुगळीकर यांनी आज बुधवार दि.२४ मार्च २०२१ रोजी सायंकाळी ०७-०० वाजल्यापासून ते ३१ मार्च २०२१ पर्यंत जिल्ह्यात संचारबंदी लागू करण्यात आली असून या संचारबंदीतून काही बाबींना सूट देण्यात आली असल्याची माहिती आज बुधवारी जिल्हाधिकारी दिपक मुगळीकर यांनी दिली.

सूट देण्यात आलेल्यामध्ये शासकीय, निमशासकीय कार्यालये त्यांचे अधिकारी, कर्मचाऱी व त्यांची वाहने, सर्व शासकीय वाहने, रुग्णवाहिका, सर्व शासकीय व खासगी दवाखाने, सर्व औषदी दुकाने, वैद्यकीय कर्मचारी, वैद्यकीय रुग्णालयातील कर्मचारी, लसीकर केंद्र, आरटीपीसीआर, अँटीजन चाचणी तपासणी केंद्र, वैद्यकीय आपताकल व त्यासंबधी सेवा, कोव्हिड रुग्णांना घेऊन येणारी वाहने, त्यांचे नातेवाईक त्यांची वाहने, अत्यावश्यक सेवेतील वाहने व वय्क्ती, प्रिंट मेडिया, इलेक्ट्रॉनिक मेडिया यांचे संपादक, वार्ताहर, प्रतिनिधी, वितरक, पेट्रोलपंप व गॅस वितरक, कर्मचारी व त्यांची वाहने, किराणा दुकानातून होणारी घरपोच सेवा, दुध विक्रेते (गल्ली, कॉलनी व सोसायट्यामध्ये घरोघरी जाऊन सकाळी सहा ते नऊ या कालावधीत विक्री करावी, एका ठिकाणी थांबून विक्री करता येणार नाही), कोरोना लसीकरण केलेल्या व्यक्ती व लसीकरणासाठी जाणार्‍या व्यक्ती यांना सूट राहील, आरटीपीसीआर व अँटीजन चाचणी करण्यासाठी जाणार्‍या व्यक्ती यांना सूट राहील, स्पर्धा परीक्षेसाठीच्या अभ्यासिका, वाचनालय यातील विद्यार्थी व कर्मचारी वर्ग इ., जिल्ह्यातील राष्ट्रीयकृत व खासगी बँकांचे अंतर्गत कामकाज, शासकीय चालान, शासकीय रोकड घऊन जाणारी वाहने व अत्यावश्यक सेवेतील बँक यांना संचारबंदी कालावधीत सूट देण्यात येत आहे, सीए, सीएमए, सीएस, टॅक्स प्रेक्ट्रीशनर इत्यादी सेवांची कार्यालये व त्यांची वाहने, स्वस्त धान्य दुकाने (शक्यतो घरपोच धान्य देण्याचा प्रयत्न करावा), दि. २४ मार्च व दि.२६ मार्च रोजी श्री शिवाजी महाविद्यालय येथे घेण्यात येणार्‍या ऑनलाईन परीक्षेसाठी येणारे अधिकारी, कर्मचारी, प्राध्यापक, घरपोच पिण्याचे पाणी पुरवठ करणारी वाहने, लसीकरणासाठी नियुक्त केलेले अधिकारी, कर्मचारी, बीएलओ आदींना यातून सूट असेल असे जिल्हाधिकारी दीपक मुगळीकर यांनी बुधवारी काढलेल्या आदेशातून म्हटले आहे....