💥भारतीय तंत्रज्ञान संस्था (आयआयटी) दिल्लीने विकसित केली कमी किंमतीची कोविड -१९ चाचणी किट...!

💥संस्थेने कंपन्यांना चाचणी किटस्ची विक्री करण्यासाठी विना-सवलत परवाना मंजूर केला आहे💥

नवी दिल्ली, दि. १४ : भारतीय तंत्रज्ञान संस्था (आयआयटी) दिल्लीने विकसित केलेली कमी किंमतीची कोविड -१९ विषाणूंसाठी पर्यायी असलेली चाचणी किट ”कोरोश्युअर ” बुधवारी १५ जुलै रोजी लाँच करण्यात येणार आहे, अशी आयआयटीच्या संचालकांनी ही माहिती दिली आहे. आयआयटी दिल्ली कोविड-१९ चाचणी पद्धत विकसित करणारी देशातील पहिली शैक्षणिक संस्था बनली आहे. या संस्थेने कंपन्यांना चाचणी किटस्ची विक्री करण्यासाठी विना-सवलत परवाना मंजूर केला आहे.

संस्थेने प्रति किटची किंमत ५०० रुपये ठेवली आहे. परंतु न्यूटेक मेडिकल डिव्हाइसेस ही कंपनी तूर्तास तरी याची विक्री साठी अद्याप किंमत जाहीर करू शकत नाही, असे केंद्रीय मनुष्यबळ विकास मंत्री रमेश पोखरियाल यांनी म्हटले.  निशंक आणि मनुष्यबळ विकासराज्यमंत्री संजय धोत्रे हे बुधवारी आयआयटीने बनवलेली किट लॉन्च करणार आहेत.

आयआयटी दिल्लीचे संचालक व्ही. रामगोपाल राव म्हणाले,  यामुळे कोविड -१९  च्या तपासणीचे प्रमाण देशातील प्रमाण आणि खर्चाच्या दृष्टीने बदलले जाईल. आयसीएमआर (इंडियन काउन्सिल ऑफ मेडिकल रिसर्च) आणि डीसीजीआय (कंट्रोलर जनरल ऑफ इंडियन मेडिसिन) यांनी मंजूर केलेले हे उत्पादन उद्या लाँच करण्यात येणार आहे.   आयआयटी दिल्लीच्या तंत्रज्ञानाचा वापर करून न्यूटेक वैद्यकीय उपकरणांची कंपनी अत्यंत परवडणार्‍या किंमतीवर दरमहा २० लाख चाचण्या घेऊ शकते. लॅब टू मार्केटिंगचे हे खरे उदाहरण आहे.

आयआयटी दिल्लीच्या संशोधकांच्या पथकाच्या म्हणण्यानुसार, विकसित केलेली पद्धत ही अचूकतेशी तडजोड न करता तपासणी खर्च कमी करते. तुलनात्मक क्रम विश्लेषणाचा वापर करून, आयआयटी दिल्ली येथील पथकाने कोविड -१९ आणि एसएआरएस कोविड-२ च्या जीनोममध्ये (आरएनए) अद्वितीय प्रदेश ओळखले.

संघाचे प्रमुख सदस्य प्रा. विवेकानंदन पेरुमल यांनी सांगितले की, हे आरएनए इतर मानवीय कोरोना विषाणूंमध्ये अस्तित्त्वात नाहीत, त्यामुळे कोविड -१९ विषाणू शोधले जाऊ शकतात.

भारतात मंगळवारी २८, ४९८ रुग्ण कोविड -१९  ने नवे रुग्ण बाधित झाल्याचे आढळले आहे. तर देशात संसर्ग झालेल्या रुग्णांचे प्रमाण ९ लाखांच्या पुढे गेले आहे.  अवघ्या तीन दिवसांत ही नव्या बाधितांची संख्या आठ पासून नऊ लाखांवर गेली आहे. केंद्रीय आरोग्य मंत्रालयाने मंगळवारी सकाळी आठ वाजता दिलेल्या आकडेवारीनुसार, आता भारतात कोरोना विषाणू बाधित  एकूण ९,०६,७५२ प्रकरणे आहेत.  विषाणूमुळे मृत्यू पावलेल्या लोकांची संख्या  २३,७२७ झाली आहे. कन्फर्म एकूण प्रकरणांपैकी ५,७१,४५९ लोक बरे झाले आहेत आणि ३,११,५६५ रुग्ण सध्या उपचार घेत आहेत....