💥पुर्णेतील टिळकरोड परिसरातील सुगंधालय या प्रतिष्ठाणास मध्यरात्री लागली भीषण आग,३ लाखाचे नुकसान...!

💥नगरसेवक ॲड.राजेश भालेराव व मा.शहरप्रमुख नितीन कदम यांनी प्रत्यक्ष घटना स्थळावर धाव घेऊन विझवली आग💥

पुर्णा (०६ जुन) शहरातील लोकमान्य टिळक रोडवरील श्री.सुगंधालय पुजा साहित्य भांडार या दुकानाला शनिवार दि.०६ जुन रोजी मध्यरात्री ०१-३० वाजेच्या सुमारास शॉट सर्कीट मुळे भीषण आग लागल्यामुळे दुकानातील अंदाजे ३ लक्ष रुपयांचा मुद्देमाल जळून खाक झाल्याची दुर्दैवी घटना घडली यावेळी घटना स्थळावर तात्काळ धावून आलेले परिसरातील नगरसेवक तथा पाणी पुरवठा सभापती ॲड.राजेश भालेराव व शिवसेना मा.शहर प्रमुख व मनसेचे पदाधिकारी निशांत कमळू यांनी नगर परिषदेच्या अग्नीशामक दलाशी भ्रमणध्वनीवरून संपर्क साधण्याचा प्रयत्न केला असता अग्नीशामक दलाशी संपर्क न झाल्याने यत्किंचितही वेळ वाया न घालता नगरसेवक ॲड भालेराव यांनी स्वतःच हातात पाण्याचा पाईप घेऊन आग विझवण्यास सुरूवात केल्याने तब्बल अर्धा तासाच्या प्रयत्ना नंतर अंदाजे ०२-०० वाजेच्यासुमारास आग आटोक्यात आली.
सदरील दुकानाच्या वरील बाजूस निवासस्थान असल्यामुळे थोळावेळ गोंधळाचे वातावरण निर्माण झाले होते परंतु सुदैवाने कुठलीही अघटीत घटना घडली नाही या घटनेवेळी जर तात्काळ नगरसेवक ॲड.राजेश भालेराव शिवसेना मा.शहरप्रमुख नितीन कदम,निशांत कमळू आदीं धावून आले नसते तर फार मोठा अनर्थ घडला असता असे म्हणने चुकीचे ठरणार नाही एकंदर नगर परिषदेचे अग्नीशामक दल वेळेवर पोहोचले असते तर कदाचित एवढे मोठे नुकसान झाले नसते असे आमच्या प्रतिनिधीशी बोलतांना सुगंधालय पुजा साहित्य भांडार या दुकाचे मालक गोविंद मनोहरराव चौधरी यांनी सांगितले....