🌟सीबीएसई बोर्डाचा दहावीचा निकाल जाहीर ; 'असा' करा चेक रिझल्ट....!

🌟निकाल कसा पाहावा ते जाणून घ्या🌟

✍️ मोहन चौकेकर                                                    

केंद्रीय माध्यमिक शिक्षण मंडळ (CBSE) ने अखेर २०२५ चा दहावीचा निकाल जाहीर केला आहे. लाखो विद्यार्थ्यांना आणि पालकांना ज्या निकालाची प्रतीक्षा होती, तो आता अधिकृतरित्या cbseresults.nic.in, results.cbse.nic.in आणि cbse.gov.in या संकेतस्थळांवर उपलब्ध झाला आहे.यंदा जवळपास २१ लाखांहून अधिक विद्यार्थ्यांनी CBSE दहावीची परीक्षा दिली होती. यामध्ये विद्यार्थ्यांची एकूण उत्तीर्ण टक्केवारी आणि मुला-मुलींचा निकाल वेगवेगळ्या विभागांनुसार लवकरच प्रकाशित केला जाणार आहे.

💫निकाल कसा पाहावा ते जाणून घ्या :-

*तुमचा CBSE 10वीचा निकाल खालीलप्रमाणे ऑनलाईन पाहू शकता:*

*अधिकृत वेबसाइटपैकी कोणतीही एक उघडा:*

*cbseresults.nic.in*

*results.cbse.nic.in*

*CBSE Class 10 Result 2025" या लिंकवर .*

*तुमचा रोल नंबर, शाळा कोड आणि प्रवेशपत्र क्रमांक टाका.*

*सबमिट बटणावर क्लिक करा.*

*तुमचा निकाल स्क्रीनवर दिसेल. तो डाऊनलोड करून प्रिंट घेऊ शकता.*

💫डिजिलॉकरवरही मिळणार निकाल :-

CBSE चा दहावीचा निकाल DigiLocker वरही उपलब्ध होणार आहे. विद्यार्थी आपले मार्कशीट, पास सर्टिफिकेट आणि माइग्रेशन सर्टिफिकेट DigiLocker च्या अ‍ॅप किंवा वेबसाइटवरून डाउनलोड करू शकतील. त्यासाठी आधार कार्डशी संलग्नित मोबाईल क्रमांक आवश्यक आहे.

💫निकालाबाबत तक्रार असल्यास काय करावे ?

जर निकालाबाबत काही शंका असेल किंवा पुनर्मूल्यांकन करायचे असल्यास, CBSE बोर्ड लवकरच त्यासाठी ऑनलाईन अर्ज प्रक्रिया सुरू करेल. विद्यार्थ्यांनी CBSE च्या अधिकृत वेबसाइटवर नियमित भेट देत माहिती तपासावी.....

✍️ मोहन चौकेकर