🌟इस्त्रायलच्या हल्ल्यात गाझामध्ये ६० जण ठार : यात २२ मुलांचा समावेश....!

🌟इस्त्रायलने गेले १० आठवडे पॅलेस्टिनी भूमीत अन्न,निवाऱ्याचे साहित्य,औषधे व अन्य माल पाठवण्यास पूर्णपणे केली बंदी🌟

देर-अल-बलाह :  इस्त्रायलने गाझात बुधवार दि.१४ मे २०२५ रोजी सकाळी केलेल्या हवाई हल्ल्यात ६० जणांचा मृत्यू झाला असून, यात २२ मुलांचा समावेश आहे, अशी माहिती स्थानिक रुग्णालय व आरोग्य अधिकाऱ्यांनी दिली. दरम्यान, इस्त्रायली पंतप्रधान बेंजामिन नेत्यानाहू यांनी हे हल्ले थांबवण्यास नकार दिला, तर इस्त्रायली लष्कराने या हल्ल्याबाबत प्रतिक्रिया देण्यास नकार दिला.

इस्त्रायलने गेले १० आठवडे पॅलेस्टिनी भूमीत अन्न, निवाऱ्याचे साहित्य, औषधे व अन्य माल पाठवण्यास पूर्णपणे बंदी घातली आहे. तसेच इस्त्रायलने हवाई हल्लेही सुरूच ठेवले आहेत.