🌟छत्तीसगड राज्यातील नारायणपूर भागातील नक्षलग्रस्त अबूझमाड जंगलात नक्षलवादी आणि सुरक्षा दलात चकमक....!

 

🌟सुरक्षा दलांनी केला २६ नक्षलवाद्यांचा खात्मा ; या चकमकीत १ जवान शहीद🌟

🌟स्वदेशी शस्त्रनिर्मितीचा कारखाना आणि मोठ्या प्रमाणात स्फोटकेही हस्तगत🌟

नवी दिल्ली : छत्तीसगड राज्यातील नारायणपूर भागात असलेल्या नक्षलग्रस्त अबूझमाड जंगलात आज बुधवार दि.२१ मे रोजी सकाळपासून नक्षलवादी आणि सुरक्षा दलांमध्ये जोरदार चकमक सुरु आहे. या चकमकीत २६ नक्षलवादी ठार झाले असून, एक जवान शहीद झाला आहे. यामध्ये नक्षल संघटनेचा जनरल सेक्रेटरी बसव राजू याचाही समावेश आहे. बसव राजूवर एक कोटींचे बक्षीस होते आणि तो अनेक घातपातांमागे प्रमुख सूत्रधार मानला जात होता. केंद्र सरकारने देशाला ३१ मार्च २०२६ पर्यंत नक्षलमुक्त करण्याचे उद्दिष्ट ठेवले आहे. त्याअंतर्गत छत्तीसगडमध्ये सातत्याने नक्षलवाद्यांच्या अड्डयांवर सुरक्षा दलाकडून कारवाया सुरू आहेत. अलीकडेच बिजापूर जिल्ह्यात २१ दिवसांच्या ऑपरेशनमध्ये ३१ नक्षलवादी ठार, १५० हून अधिक बंकर उद्धस्त करण्यात आले होते स्वदेशी शस्त्रनिर्मितीचा कारखाना आणि मोठ्या प्रमाणात स्फोटकेही हस्तगत करण्यात आली.

 छत्तीसगड नारायणपूर भागात असलेल्या नक्षलग्रस्त आज सकाळी नक्षलवादी तळांवर सुरक्षा दलांनी हल्लाबोल केला. या कारवाईत नारायणपूर, दंतेवाडा, विजापूर आणि कोंडागाव जिल्ह्यांतील जिल्हा सुरक्षा दलाने आणि अन्य सुरक्षा दलांचे जवान सहभागी झाले होते. माड विभागातील नक्षलवादी हालचालींच्या गुप्त माहितीनंतर सुरक्षादलांनी ही योजना आखून सकाळी जंगलात सर्च ऑपरेशन सुरू केले. यावेळी नक्षलवादी आणि सुरक्षा दलांमध्ये मोठी चकमक झाली. या चकमकीत २६ नक्षलवाद्यांना कंठस्नान घालण्यात सुरक्षा दलांना यश आले. या कारवाईत सुरक्षा दलाचा एक जवान धारातीर्थ पडला. अबूझमाड परिसरात शोधमोहिम सुरू आहे. पोलिस अधीक्षक प्रभात कुमार यांनी सांगितले की, या अभियानात आणखी नक्षलवादी ठार झाल्याची शक्यता नाकारता येत नाही. परिसरात नक्षलवादी शस्त्र आणि स्फोटकांचा मोठा साठा असल्याचा संशय आहे. या ताज्या कारवाईमुळे माओवादी चळवळीला मोठा झटका बसला आहे. बसव राजूसारखा वरिष्ठ नेता ठार झाल्याने नक्षल संघटनेच्या नेतृत्वावर मोठा परिणाम होणार आहे. ही मोहीम नक्षलवादाच्या मुळावर घाव घालणारी ठरत असल्याचे सुरक्षा दलांनी सांगितले आहे.........