🌟पुर्णा नगर परिषदेने नागरिकांवर लादलेल्या रझाकारी मालमत्ता करवाढी विरोधात तीव्र असंतोष.....!

🌟आ.डॉ.रत्नाकरजी गुट्टे काका मित्र मंडळाने निवेदनाद्वारे नियमबाह्य मालमत्ता करवाढ तात्काळ रद्द करण्याची केली मागणी🌟

पुर्णा (दि.१९ मे २०२५) :- पुर्णा नगर परिषदेचे प्रशासक जिवराज डाफकर व मुख्याधिकारी उत्कर्ष गुट्टे यांनी एकत्रित मालमत्ताकर नियम १९६९ सह नगर परिषद अधिनियम १९६५ च्या तरतूदीचे मनमानी पद्धतीने उल्लंघन करीत शहरातील नागरिकांवर रझाकारी पध्दतीने मालमत्ता करवाढ लागल्याने शहरातील सर्वसामान्य नागरिकांमध्ये तीव्र असंतोष निर्माण झाल्याचे निदर्शनास येत असून शहरातील नागरिकांना नागरीसुविधा पुरवण्यास सर्वार्थाने अपयशी ठरलेले पुर्णा नगर परिषद मुख्याधिकारी उत्कर्ष गुट्टे व प्रशासक जिवराज डाफकर यांनी कोट्यवधी रुपयांचा शासकीय विकासनिधी भ्रष्ट बेईमान गुत्तेदारांच्या घशात घालण्याचे व शहरातील सर्वसामान्य नागरिकांवर रझाकारी मालमत्ता कर लादण्याचे महापाप संबंधित अधिकाऱ्यांनी केल्याने याविरोधात आमदार डॉ.रत्नाकरजी गुट्टे काका मित्र मंडळाने आज सोमवार दि.१९ मे रोजी नगर परिषद प्रशासक जिवराज डाफकर व मुख्याधिकारी उत्कर्ष गुट्टे यांना लेखी स्वरूपात निवेदन देऊन मालमत्ता करवाढ तात्काळ रद्द करण्याची मागणी केली आहे.

पुर्णा नगर परिषद प्रशासनाला आमदार डॉ.रत्नाकरजी गुट्टे काका मित्र मंडळाच्या वतीने देण्यात आलेल्या निवेदनात असे नमूद करण्यात आले आहे की पुर्णा नगर परिषद प्रशासनाने करवाढ प्रस्ताव व ठराव करून करवाढ केली आहे यामध्ये नगर परिषद एकत्रित मालमत्ता कर नियम १९६९ तथा नगर परिषद अधिनियम १९६५ च्या तरतुदीच सर्रास उल्लंघन करून नगर परिषद कमाल व किमान वाढ विचारात न घेता केवळ कमाल धारने पेक्षा जास्त केलेली ही मालमत्ता करवाढ संपूर्णतः जनविरोधी असल्याने ही मालमत्ता करवाढ खालील नमूद केलेल्या आक्षेपार्ह मुद्द्यांप्रमाणे रद्द करण्यात यावी.

🔴आपण दिलेल्या नोटीस वर आक्षेप घेण्यासाठी घातलेल्या अटी ह्या जनविरोधी असून आक्षेप अर्जा सोबत घरपटी व पिटीआरची प्रत देण्याचे बंधनकारक न करता आक्षेप मालमत्ता धारक यांच्या कडून स्वीकारण्यात यावे

🔴swanaym मूल्यांकन तक्ता SELF ASSESMENT FORM प्रपत्र क्रमांक 1 हे करवाढ करण्या अगोदर प्रत्येक मालमत्ता धारकाकडून स्वीकारण्याचे बंधनकारक असताना ते केलेले नाही म्हणून करवाढ ही रद्द करावी.

🔴नगर परिषद हद्दीमधील स्वातंत्र्यसैनिक,माजी सैनिक, सैन्यामध्ये कार्यरत असलेल्या (सीमा सुरक्षा बल) सैनिकांच्या मालमत्तेला कर माफ करण्यात यावा.

🔴नगर परिषद हद्दीतील दिव्यांग व्यक्तीच्या मालमत्तेला मालमत्ता कर माफ करण्यात यावा.

🔴मालमत्ता धारकांची मोकळी जागा तथा कर लावन्या पासून वगळण्यात येणाऱ्या मालमत्तांचा भाग न वगळून सरसकट (पिटीआर) प्रमाणित करवाढ अयोग्य व जनविरोधी आहे. म्हणून दिलेल्या नोटीस परत घेण्यात याव्यात.

🔴मालमत्ता कराचे दर निश्चित करतांना बाजार मूल्य अवास्तव दाखवूनं सरकारी मालमत्ता मूल्य हे लक्षात घेतलेले नाही.

🔴वापरात नसलेल्या इमारती यांना कर नोटिस दिल्या आहेत व इमारती / मालमत्ता किती वर्ष जुने नवीन यांची खातर जमा न करता नवीन मालमत्ता दर अवास्तव दाखवून करवाढ केलेली अमान्य आहे

🔴इमारती निवासी असताना वाणिज्य करवाढ केलेली आहे बहुमजली इमारतीमध्ये तळमजला वाणिज्य दाखवून निवासी करीता वरील इमारत वापरात असताना सरसकट वाणिज्य करवाढ ही बहुमजली इमारती करिता दिलेली असल्याने ती रद्द करावी.

🔴वैद्यकीय दवाखाना (hospital) इत्यादी जनसेवा इमारती वापरात असलेली इमारतीना करवाढ माफ होणे योग्य असून वाणिज्य करवाढ नोटीस रद्द करण्यात यावी.

🔴काही जुनं बांधकाम व लोढबेरींग बांधकाम व तीन बांधकाम असलेल्या मिळकती करिता RCC बांधकाम दर दाखवून केलेली करवाढ ही रद्द करण्यात यावी.

🔴प्रचलित READY RECORNAR व झोन ही चुकीच्या पद्धतीने दर्शवून करवाढ झालेली रद्द करावी व पुन्हा झोन हे फेर तेथील रहिवाशी व राहणीमान आर्थिक परिस्थिति विचारात घेवून करवाढ ठरवलेली नसल्याने ती रद्द करण्यात यावी.

🔴करवाढ करताना शिक्षण व पर्यावरण कर तथा पाणीपट्टी अवास्तवपणे कायद्याच्या नियमाच्या विरुद्ध असून जनतेच्या हिताच्या द्रष्टिने अन्याय कारक आहे.

नगर परिषद प्रशासनाने नियमबाह्य पद्धतीने शहरातील नागरिकांवर रझाकारी मालमत्ता करवाढी विरोधात आमदार डॉ.रत्नाकरजी गुट्टे काका मित्र मंडळाने दिलेल्या या निवेदणाद्वारे असे म्हटले आहे की पुर्णा नगर परिषद प्रशासनाने नगर परिषद हद्दीतील मालमत्ता धारकांचा आक्षेप नोंदवून त्या वर आपील समिति नोंदवून आक्षेप अर्जावर सुनावणी घेवून करवाढ रद्द करावी अन्यथा आमदार डॉ.रत्नाकरजी गुट्टे काका मित्र मंडळाच्या वतीने या रझाकारी मालमत्ता करवाढी विरोधात तीव्र जनआंदोलन करण्यात येईल असेही निवेदनात नमूद करण्यात आले असून या निवेदनावर आमदार डॉ.रत्नाकरजी गुट्टे काका मित्र मंडळाचे पुर्णा तालुकाध्यक्ष सुभाषराव देसाई,आमदार डॉ.रत्नाकरजी गुट्टे काका मित्र मंडळाचे पुर्णा तालुका प्रभारी नितीन उर्फ (बंटी) कदम,आमदार डॉ.रत्नाकरजी गुट्टे काका मित्र मंडळाचे पुर्णा शहराध्यक्ष ॲड.राजेश विष्णुकांत भालेराव आदींच्या स्वाक्षऱ्या आहेत.....