🌟पाकिस्तानच्या ॲटम बॉम्बच्या धमकीला भारत घाबरणार नाही : भारत झुकणार नाही आणि तुटणारही नाही....!

🌟भारताचे पंतप्रधान नरेंद्र मोदी यांनी दिला पाकिस्तानला पुन्हा इशारा🌟

जयपूर : जम्मू काश्मीर राज्यातील पहलगाम येथील दहशतवादी हल्ल्यानंतर भारत सरकारने देशाच्या तिन्ही सैन्य दलास पूर्णपणे मोकळीक दिली होती त्यामुळेच तिन्ही सैन्य दलाने एकत्र येऊन चक्रव्यूह रचलं, पाकिस्तानना गडघे टेकायला भाग पाडलं, भारत झुकणारही नाही आणि तुटणारही नाही अशा शब्दात पंतप्रधान नरेंद्र मोदी यांनी आज पाकिस्तान आणि दहशतवाद्यांना पुन्हा इशारा दिला आहे.

राजस्थानमध्ये आज २६ हजार करोड रुपयांच्या विकासकामांचे लोकार्पण पंतप्रधान नरेंद्र मोदी यांच्या हस्ते करण्यात आले. यावेळी त्यांनी आपल्या खास शैलीत सौगंध मुझे इस मिट्टी की, मैं देश नहीं मिटने दूंगा, देश नहीं झुकने दूंगा अशा शब्दात पाकिस्तान आणि दहशतवाद्यांना इशारा दिला. पुढे बोलतांना ते म्हणाले की, आपल्या देशात गेल्या ११ वर्षात अभूतपूर्व काम करण्यात आलं आहे, या कामावर आधी जितके पैसे खर्च व्हायचे त्याच्यापेक्षा ६% जास्त पैसे खर्च होतं आहेत. भारताचा विकास पाहून आज जगभरातील देश हैराण झाले आहेत. भारत आपल्या ट्रेन नेटवर्कला देखील आधुनिक करत आहेत, नवीन गती आणि नवीन प्रगतीचं हे प्रतीक आहे. २२ एप्रिल रोजी पहलगाम येथे झालेल्या दहशतवादी हल्ल्याच्या उत्तरात भारताने अवघ्या २२ मिनिटांत पाकिस्तानमधील ९ दहशतवादी तळांवर हल्ले केले. जेव्हा देशातील महिलांच्या कपाळाचं कुंकू स्फोटकँ बनत तेव्हा काय होतं, हे आम्ही दाखवून दिला आहे. हा शोध प्रतिशोध नाही तर न्यायाचं नवं स्वरूप आहे. हा आक्रोश नाही तर समर्थ भारताचे रौद्र रुप आहे, नव्या भारताचे स्वरूप आहे, असे म्हणत नरेंद्र मोदींनी पाकिस्तानवर घणाघात केला.

ॲटम बॉम्बच्या धमकीने भारत घाबरणार नाही आता वार केला तर आम्ही खपवून घेणार नाही. वेळ आणि जागा आमचे जवान ठरवतील. सध्या, जगातील बहुतांश देशात पाकिस्तानची पोलखोल करण्यासाठी आपण विश्वात फिरत आहोत. सर्व पक्षातील नेते या शिष्टमंडळात आहेत. आता, पाकिस्तानचा खरा चेहरा देशाला दाखवू, पाकिस्तान कधीही आपल्याशी सरळ लढूच शकत नाही, म्हणून दहशतवाद्यांना त्यांनी एक हत्यार बनवलं आहे. मोदी का दिमाग थंडा होता है, लेकिन लहू गरम है. मोदी के शरीर में लहू नही गरम सिंदूर बेहेता हैं.. असे म्हणत मोदींनी पाकिस्तानला थेट इशारा दिला. तसेच, पाकिस्तान की सेना और अर्थव्यवस्था ये किंमत चुकाएगी, असेही त्यांनी म्हटले......