🌟वादळी वाऱ्याने अतोनात नुकसान झालेल्या नुकसानग्रस्त शेतकऱ्यांना तात्काळ नुकसान भरपाई देण्यात यावी....!

🌟किसान एकता महासंघाची पालमचे तहसिलदार यांच्याकडे निवेदनाद्वारे मागणी🌟

परभणी :- मागील सोमवार व मंगळवार रोजी झालेल्या वादळी वारे व अवकाळी पावसामुळे जिल्हाभरातील फळ पिकांचे मोठे नुकसान झाले आहे. त्यांना तात्काळ नुकसान भरपाई देण्याची मागणी किसान एकता महासंघाच्या वतीने पालम तहसीलदार यांच्याकडे गुरुवार (दि. ८) रोजी करण्यात आली आहे.

मागील दोन दिवसात जिल्हाभरात अचानक वादळी वारा आणि अवकाळी पावसाने हजेरी लावली. यामध्ये जिल्ह्यातील आंबा, केळी, संत्रा व मोसंबी आदी फळ पिकांचे मोठे नुकसान झाले आहे. तसेच वादळी वाऱ्याने अनेक घरावरील पत्रे उडून गेले आहेत. अशा सर्व नुकसानग्रस्तांना भरपाई देण्याची मागणी निवेदनात करण्यात आली आहे. निवेदनावर किसान एकता महासंघाचे पालम तालुका अध्यक्ष प्रसाद पौळ, उपाध्यक्ष व्यंकटी मोरताटे यांच्या स्वाक्षरी आहेत......