🌟पाथरी तालुक्यातुन जाणाऱ्या एनएच ५४८ बी महामार्गाच्या दुरुस्तीसाठी अखेर योगेश्वरी परिवार सरसावला....!

🌟योगेश्वरी शुगर्सचे चेअरमन माजी आमदार आर.टी.देशमुख यांनी घेतला महामार्गाच्या दुरुस्तीसाठी पुढाकार🌟 

पाथरी :- पाथरी तालुक्यातुन जाणाऱ्या एनएच ५४८ बी महामार्गाला अखेरची घरघर लागलेली असून आमराई ते सोनपेठ हा अत्यंत खराब झालेल्या रस्त्याने अनेकांचे बळी घेतलेले असून अनेक वाहनांची दरदिवशी मोडतोड होत असते अवकाळी पावसाने या महामार्गाची अजून अवकळा झाली असून दुचाकी चालवणे धोकेदायक झाले असल्याने लिंबा येथील योगेश्वरी शुगर्स चे चेअरमन माजी आ आर टी देशमुख जिजाजींच्या पुढाकारातून या महामार्गावर पडलेले मोठमोठे खड्डे मुरुम टाकत जेसीबी मशीनच्या साह्याने दोन दिवसा पासुन बुजऊन वाहान धारकांना काहिसा दिलासा देण्याचे पुण्याचे काम होत असल्याच्या प्रतिक्रिया या भागातील नागरीक व्यक्त करत आहेत.

मागिल आठ दहा दिवसा पासून या भागात मोठ्या प्रमाणात अवकाळी पाऊस होत आहे. या पावसाने एनएच ५४८ बी या प्रस्तावित राष्ट्रीय महामार्गाची अवस्था अगदीच दैनिय झाली आहे. दोन दिवसा पुर्वी सोनपेठ हुन पाथरी कडे खत घेऊन जाणारा चौदा चाकी ट्रक महामार्गाच्या मधोमध दुपारच्या सुमारास फसला होता. या विषयी माध्यमां मध्ये वृत्त छापुन आले होते. तर वाहन चालक आणि नागरीकां मधून सोशल मिडियात संताप व्यक्त करण्यात येऊन ही संबंधित ठेकेदार किंवा महामार्ग अधिकारी इकडे फिरकले नसल्याने नागरीकांत या विषयी प्रचंड रोश पहायला मिळत असून अजू किती वाहनांचे नुकसान आणि माणसांचे बळी घेणार आहात अशा संताप जनक प्रतिक्रीया व्यक्त होत आहेत.

मागिल काही वर्षा पासुन योगेश्वरी शुगर्स चे चेअरमन माजी आ आर टी देशमुख जिजा हे अनुसया कन्स्ट्रक्शन च्या माध्यमातून आमराई ते विटा या भागातील महामार्गावर पावसाळा सुरुवात आणि शेवटी मुरुम टाकून हा रस्ता वाहतुकी योग्य करून या भागातील नागरीकांना दिलासा देत असले तरी हा कायम स्वरुपी उपाय नसल्याचे नागरीकांतून बोलल्या जात आहे बुधवारी रात्रभर झालेल्या पावसाने पाथरी सोनपेठ रोड वरील विटा बु येथील किशनराव अमृतराव आरबाड याच्या शेताजवळ रोडवरील पुलाची भिंत कोसळली असल्याने आवजड वाहतूक एसटी बस चालक काळजी घेण्याचे आवाहन सोशल मिडियातून सजग नागरीकांनी केले आहे.

या महामार्गाचे काम मिळालेल्या आर बी घोडके कंपनीने किमान आमराई ते सोनपेठ या भागातील या महामार्गाची तात्पुरती मजबुत डागडूजी तात्काळ सुरु करावी अशी माफक अपेक्षा व्यक्त होत आहे. या वर्षी हवामान विभागाने मराठवाड्यात अतिवृष्टी होण्याचे जाहिर केले आहे. पावसाळा अजून सुरू व्हावयाचा आहे. अवकाळी पावसानेच या महामार्गाची अवकळा केली असून अजून चार महिणे पावसाळा राहाणार आहे. त्या मुळे या भागातील डाकूपिंप्री,लिंबा,वीटा आनंदनगर आणि अन्य गावांचा सोनपेठ,पाथरीचा संपर्क तुटणार या गावामधिल नागरीकांना पावसाळ्यात प्रचंड त्रास सहन करावा लागतो. तर या महामार्गाने जाणा-या वाहनांना अन्यमार्गाचा अवलंब करावा लागतो. त्या मुळे किमान दहा ते पंधरा किमी अंतराच्या या महामार्गावर किमान मुरुम टाकून रस्ता वाहतूक योग्य करून पुढिल जिवित व वित्त हानी टाळावी अशी मागणी नागरीक करत आहेत......