🌟छत्तीसगड-तेलंगणाच्या सिमेवर सुरक्षा दलाशी झालेल्या चकमकीत २२ नक्षलवादी ठार....!

🌟छत्तीसगड आणि तेलंगणाच्या सीमेवर २१ एप्रिलपासून 'मिशन संकल्प' अभियान सुरू करण्यात आले आहे🌟

विजापूर : छत्तीसगड-तेलंगणाच्या सिमेवर काल बुधवार दि.०७ मे २०२५ रोजी सुरक्षा दलाने धाडसी कारवाई करीत तब्बल २२ नक्षलवाद्यांचा खात्मा केला.छत्तीसगड-तेलंगणाच्या सीमेवर नक्षलवादी आणि सुरक्षा जवान यांच्यात जोरदार चकमक झाली या चकमकीमध्ये २२ नक्षलवादी ठार झाले.

 छत्तीसगडमधील बिजापूर जिल्ह्यात नक्षलविरोधी मोहीम हाती घेण्यात आली होती. परिसरात सुरक्षा जवानांकडून मोहीम सुरू असतानाच नक्षलवाद्यांसमवेत चकमक सुरू झाली या चकमकीत २२ नक्षलवादी ठार झाले. गेल्या सोमवारी १ महिला नक्षलवाद्याचा गोळीबारात मृत्यू झाला होता.पोलीस अधिकाऱ्यांनी बुधवारी सांगितले की, करेंगुट्टातील डोंगरा भागात छत्तीसगड आणि तेलंगणाच्या सीमेवर २१ एप्रिलपासून 'मिशन संकल्प' अभियान सुरू करण्यात आले आहे. या मोहिमेत २४ हजार जवान सामील आहेत......