🌟पुर्णेत शिवसेनेला भगदाड एकमेव उच्चशिक्षित जनहीतवादी नगरसेवक ॲड.राजेश भालेराव यांचा पक्षाला अखेरचा 'जय महाराष्ट्र'...!

🌟शिवसेना उबाठा नगरसेवक ॲड.राजेश भालेराव यांचा आमदार डॉ.रत्नाकर गुट्टे यांच्या उपस्थितीत गुट्टे काका मित्र मंडळात प्रवेश🌟 

पुर्णा (विशेष वृत्त) :- पुर्णा नगर परिषदेतील शिवसेना उबाठा गटातील एकमेव उच्चशिक्षित जनहीतवादी नगरसेवक तथा नामांकित विधिज्ञ ॲड.राजेश विष्णुकांत भालेराव यांनी काल बुधवार दि.३० एप्रिल २०२५ रोजी शिवसेना उबाठा गटाला अखेरचा 'जय महाराष्ट्र' करीत गंगाखेड विधानसभा मतदारसंघाचे कर्तृत्ववान कार्यसम्राट विद्यमान आमदार डॉ.रत्नाकर गुट्टे काका यांच्या प्रमुख उपस्थितीत गंगाखेड येथील त्यांच्या फार्महाऊसवर आपल्या शेकडो समर्थक कार्यकर्त्यांसह जाहीर प्रवेश केला.

पुर्णा नगर परिषदेच्या सन २०२६ मध्ये झालेल्या सार्वत्रिक निवडणुकीत शिवसेना उबाठा पक्षातील निवडणूक जिंकलेल्या नगरसेवकांमध्ये उच्चशिक्षित व अत्यंत हुशार जनहितवादी नगरसेवक म्हणून बहुमताने निवडून येण्याचा मान ॲड.राजेश विष्णुकांत भालेराव यांना मिळाला होता परंतु शिवसेना उबाठा गटातील एकाधिकारशाही मुळे त्यांच्या कर्तृत्वावर एकप्रकारे प्रकारे धुळ बसल्यागत परिस्थिती निर्माण झाली होती म्हणतात ना 'हिरे की पहिचान सिर्फ जोहरी को होती हैं' असाच काहीसा प्रकार ॲड.राजेश भालेराव यांच्या सोबत देखील झाला त्यांच्यातील कर्तृत्व आणि कार्यक्षमता ओळखून परभणी जिल्ह्यातील गंगाखेड विधानसभा मतदारसंघाचे कर्तृत्ववान कार्यसम्राट विद्यमान आमदार डॉ.रत्नाकर गुट्टे काका यांनी नगरसेवक ॲड.राजेश भालेराव यांना आपल्या सोबत काम करण्याचा संदेश दिला यावर ॲड.राजेश भालेराव यांनी तात्काळ निर्णय घेऊन आमदार डॉ रत्नाकर काका गुट्टे यांच्या नेतृत्वाखाली काम करण्याचा निर्णय घेऊन काल बुधवार दि.३० एप्रिल २०२५ रोजी आपल्या शेकडो समर्थक/सवंगड्यांचा ताफा घेऊन गंगाखेड येथे आमदार गुट्टे काका यांच्या प्रमुख उपस्थितीत डॉ रत्नाकर गुट्टे काका मित्र मंडळात जाहीर प्रवेश केला यावेळी आमदार डॉ रत्नाकर गुट्टे काका यांनी ॲड.राजेश भालेराव याच्यासह शेकडो समर्थकांचे शाल श्रीफळ पुष्पगुच्छ देऊन जल्लोषात स्वागत करुन ॲड.राजेश भालेराव यांना डॉ रत्नाकर गुट्टे काका मित्र मंडळाचे पुर्णा शहराध्यक्ष म्हणून त्यांच्यावर जवाबदारी सोपवली ॲड.राजेश भालेराव यांनी घेतलेल्या या निर्णयाचे पुर्णा तालुक्यात सर्वस्तरातून स्वागत होत आहे......