🌟नांदेड दक्षिण मध्य रेल्वेचे नुतन विभागीय व्यवस्थापक प्रदीप कामले यांचा नगरसोल-औरंगाबाद रेल्वे मार्गावर तपासणी दौरा संपन्न....!

🌟यावेळी विभागीय व्यवस्थापक प्रदीप कामले यांनी भविष्यातील सुरक्षा व कार्यक्षमतेच्या दृष्टीने महत्त्वाच्या सूचना दिल्या🌟 

नांदेड (दि.०८ एप्रिल २०२५) - नांदेड दक्षिण मध्य रेल्वेचे नुतन विभागीय व्यवस्थापक (डिआरएम) प्रदीप कामले यांनी आज बुधवार दि.०८ एप्रिल २०२५ रोजी नांदेड विभागातील नगरसोल ते छत्रपती संभाजीनगर (औरंगाबाद) रेल्वे मार्गांवर तपासणी पूर्ण केली या दौऱ्यात विविध पायाभूत सुविधांचा आढावा घेण्यात आला आणि भविष्यातील सुरक्षा व कार्यक्षमतेच्या दृष्टीने महत्त्वाच्या सूचना देण्यात आल्या.

नगरसोल ते औरंगाबाद दरम्यान रेल्वेमार्गावर तपासणी खिडकीतून सुरक्षेच्या दृष्टीने आवश्यक अशा विविध संरचना, वळणे, ब्रिजेस व सिग्नल यांची बारकाईने पाहणी करण्यात आली.  नगरसोल आणि औरंगाबाद येथील माल धक्या मध्ये सुविधा, साठवण क्षमता व सुरक्षेची स्थिती यांचा आढावा घेण्यात आला  नगरसोल ते तारूर दरम्यान लेव्हल क्रॉसिंग -१३ आणि करंजगाव ते लासूर दरम्यान पूल क्र.७६ आणि लासूर ते पोटुल दरम्यान वळण क्र.२० आणि पोटुल ते दौलाताबाद दरम्यान पूल क्र.९८ आणि दौलाताबाद ते औरंगाबाद दरम्यान लेव्हल क्रॉसिंग -४७ च्या जागी भुयारी पूल आशा संरचनांची तपासणी करून त्यांची सध्याची स्थिती आणि देखभाल कार्यांची आवश्यकता अधोरेखित करण्यात आली.

 श्री प्रदीप कामले  यांनी औरंगाबाद स्टेशन यार्डातील पॉइंट्स आणि क्रॉसिंग्स आणि स्विच एक्सपान्शन जॉइंट्सची पाहणी केली,  स्टॉक रेल जॉइंट व ग्लूड जॉईट संबंधित यार्ड विभागांची तपासणी करण्यात आली. तसेच नगरसोल आणि औरंगाबाद स्थानकांचा विकास करण्यात येत आहे. याचा विकास आराखडा उपस्थित अधिकाऱ्यांशी चर्चा केली या नंतर श्री प्रदीप कामळे यांनी जालना स्टेशन ला भेट दिली. यात त्यांनी स्टेशन मास्तर कार्यालयाची तपासणी केली आणि जालना पीटलाईन ची पाहणी केली.....

या दौऱ्यात  पी. सी. रुद्र मूर्ति (वरिष्ठ विभागीय अभियंता) डॉ. जे. विजय कृष्णा (वरिष्ठ वाणिज्य व्यवस्थापक) वी. सुजित कुमार वरिष्ठ (विभागीय अभियंता ) श्री पी. सुरेश वरिष्ठ (विभागीय सिग्नल आणि टेलिकॉम अभियंता ) श्री हरी कृष्ण वरिष्ठ (विभागीय सुरक्षा अधिकारी )श्री परम मित्र वरिष्ठ (विभागीय यांत्रिकी अभियंता ) श्री  कुमार गौरव (वरिष्ठ विभागीय ऑपरेशन मॅनेजर ), श्री ए. रवी तेजा (वरिष्ठ विभागीय विद्युत अभियंता ) या विभागांचे वरिष्ठ अधिकारी DRM यांच्यासोबत उपस्थित होते......