🌟परभणीत पहेलगाम घटनेच्या निषेधार्थ पुकारलेल्या बंदला उत्स्फूर्त प्रतिसाद.....!

🌟दहशतवादी हल्ल्यामध्ये दुर्दैवाने मृत्युमुखी पडलेल्यांना परभणीकरांनी दिला आश्रूनयनांनी भावपूर्ण निरोप🌟

परभणी :- परभणीत पहलगाम दहशतवादी हल्ल्याच्या निषेधार्थ सर्व राजकीय पक्ष, सामाजिक व व्यापारी संघटनांनी एकत्र येत आज गुरुवार दि.२४ एप्रिल २०२५ रोजी परभणी बंदची हाक दिली होती या परभणी बंदला उत्स्फूर्त प्रतिसाद मिळाला 'उत्स्फूर्त परभणी बंद' मध्ये सहभागी होऊन या दहशतवादी हल्ल्यात मृत्युमुखी पडलेल्या सर्व निष्पाप नागरिकांना तमाम परभणीकरांनी भावपूर्ण श्रद्धांजली अर्पण केली व अमानुष धर्मांध राक्षसी प्रवृत्तीच्या दहशतवाद्यांचा तीव्र निषेध केला.

अक्षरशः भिकेला लागलेल्या शेजारील पाकीस्तान देश आणि त्यांना देशातून समर्थन देणारे देशद्रोही,धर्मद्रोही यांनी शांत, समृद्ध आणि विकसित होत चाललेल्या भारत भूमीचा अखंड भाग असलेल्या जम्मू आणि काश्मीरला अशांत करून भारताची प्रतिमा मलीन करण्यासाठी धार्मिक आतंकवाद्यांच्या सहाय्याने जे अघोषित "धर्मयुद्ध" भारत मातेच्या सुपुत्रांचा बळी घेऊन सुरू केले आहे. त्या देशातील व देशाबाहेरील सर्व आतंकवाद्यांना करारा जवाब मिलेगा असा संतप्त संकल्प देखील यावेळी व्यक्त करण्यात आला.

परभणीकरांच्या वतीने आज गुरुवारी पहलगाम येथे दहशतवादी हल्ल्यात मृत्यू पावलेल्या भारत मातेच्या वीर सुपुत्रांना परभणी येथे श्रध्दांजली वाहण्यात आली तसेच हे नृशंन्स हत्याकांड घडवून आणणाऱ्या पाकिस्थान व दहशतवाद्यांचा देखील निषेध नोंदवण्यात आला.....