🌟कॅनडामध्ये झालेल्या गोळीबारात २१ वर्षीय हरसिमरत रंधावा या भारतीय विद्यार्थिनीचा दुर्दैवी अंत.....!

🌟कॅनडात सातत्याने भारतीय विद्यार्थ्यांचे मृत्यू होत असून हरसिमरत या चौथ्या विद्यार्थिनीचा आता मृत्यू झाला🌟

ओण्टारिओ : ओण्टारिओ येथे दोन वाहनांमधून एकमेकांवर गोळीबार केला जात असताना बस स्थानकावर बसची वाट पाहत उभ्या असलेल्या २१ वर्षीय हरसिमरत रंधावा या भारतीय विद्यार्थिनीचा गोळीबारात दुर्दैवी अंत झाला. ओण्टारिओ येथे दोन वाहनांमधून एकमेकांवर गोळीबार केला जात असताना एक गोळी निष्पाप हरसिमरतला लागली ती मोहॉक महाविद्यालयात शिक्षण घेत होती मागच्या चार महिन्यांत कॅनडात भारतीय विद्यार्थ्यांचे मृत्यू होत असून हरसिमरत या चौथ्या विद्यार्थिनीचा आता मृत्यू झाला आहे.

हॅमिल्टन पोलीस सध्या या घटनेचा तपास करत आहेत. हरसिमरत रंधावाचा गोळीबाराच्या घटनेशी काहीएक संबंध नव्हता. पोलिसांनी दिलेल्या माहितीनुसार, अप्पर जेम्स आणि साऊथ बेंड रस्त्यावर दोन वाहनांतून एकमेकांवर गोळ्या झाडण्यात आल्या. यावेळी बस स्थानकावर उभ्या असलेल्या हरसिमरतच्या छातीला गोळी लागली. यानंतर तिला जवळच्या रुग्णालयात दाखल करण्यात आले, पण तोपर्यंत तिचा मृत्यू झाला होता.

परिसरातील सीसीटीव्हीमध्ये दोन वाहनांतून एकमेकांवर गोळीबार होत असल्याचे चित्रण हाती लागले आहे. गोळीबारात विद्यार्थिनीचा मृत्यू झाल्यानंतर दोन्ही वाहनांनी घटनास्थळावरून पळ काढला. या गोळीबारात परिसरातील एका घराच्या खिडकीलाही गोळी लागली. मात्र यात घरातील कुणालाही दुखापत झाली नाही......