🌟राष्ट्रीय समाज पक्ष आयोजित युवा संघर्ष निर्धार परिषदेत आज राजू शेट्टी बच्चू कडू महादेव जानकर एकत्र येणार...!

🌟राष्ट्रीय समाज पक्षाचे प्रदेशाध्यक्ष काशिनाथ शेवते यांनी सदर परिषदेविषयी पत्रकार परिषदेत माहिती दिली🌟

मुंबई :- राष्ट्रीय समाज पक्ष आयोजित युवा संघर्ष निर्धार परिषदेच्या निमित्ताने शेतकरी संघटनेचे राष्ट्रीय नेते नेते राजू शेट्टी प्रहार जनशक्ती पक्षाचे राष्ट्रीय अध्यक्ष तथा माजी राज्यमंत्री बच्चू कडू आणि राष्ट्रीय समाज पक्षाचे राष्ट्रीय अध्यक्ष महादेव जानकर हे एकाच व्यासपीठावर दिसणार आहेत आज रविवार दि.२० एप्रिल २०२५ रोजी होणाऱ्या या परिषदेत हे तीन नेते काय भूमिका घेणार याकडे सर्वांचे लक्ष लागले आहे. 

राष्ट्रीय समाज पक्षाचे प्रदेशाध्यक्ष काशिनाथ शेवते यांनी सदर परिषदेविषयी पत्रकार परिषदेत माहिती दिली. पक्षाचे अध्यक्ष जानकर यांच्या वाढदिवसानिमित्त ही परिषद आयोजित केली आहे. युवा अवस्थेत जानकर यांनी घेतलेल्या धाडसी निर्णयामुळे राज्यात एक नवी चळवळ उभी राहिली. तसेच हे तीनही नेते सर्वसामान्य कुटुंबातील असून, ते परिषदेत युवकांना संदेश देतील. दरम्यान, विधानसभा निवडणुकांमध्ये महाराष्ट्रात महायुतीला प्रचंड बहुमत मिळाले तर दुसरीकडे महाविकास आघाडीचा दारुण पराभव झाला.