🌟केंद्रातील पंतप्रधान नरेंद्र मोदी यांच्या नेतृत्वाखालील एनडीए सरकारने पेट्रोल-डिझेल व गॅसच्या दरात केली वाढ ?

🌟महागाईचा सर्वसामान्यांना फटका : केंद्र सरकारकडून पेट्रोल-डिझेलवरील अबकारी करात वाढीची घोषणा🌟

नवी दिल्ली : केंद्रातील पंतप्रधान नरेंद्र मोदी यांच्या नेतृत्वाखालील एनडीए सरकारने पुन्हा एकदा पेट्रोल डिझेल व गॅसच्या दरवाढीचा निर्णय घेतला असून काल सोमवार दि.०७ एप्रिल २०२५ रोजी आठवड्याच्या पहिल्याच दिवशी मोठा आर्थिक फटका बसला दिवसाची सुरुवात शेअर मार्केटमधील मोठ्या पडझडीने झाली शेअर मार्केट सावरते ना सावरते तेच केंद्र सरकारकडून पेट्रोल-डिझेलवरील अबकारी करात वाढ झाल्याची घोषणा करण्यात आली आहे. केंद्र सरकारने सोमवारी पेट्रोल आणि डिझेलवरील अबकारी करात २ रुपयांची वाढ तसेच गॅस ५० रुपयांनी वाढणार आहे. आज मंगळवार दि.०८ एप्रिल रोजी मध्यरात्रीपासून हे नवे दर लागू झाले आहेत.

आंतरराष्ट्रीय स्तरावर कच्च्या तेलाच्या किंमती घसरल्या आहेत. पण असे असतानाही केंद्रात बसलेल्या मोदी सरकारने पेट्रोल डिझेलवरील अबकारी दरामध्ये दोन रुपयांनी वाढ केली आहे हा निर्णय महसूल संकलन वाढवण्यासाठी आणि अर्थसंकल्पीय तूट नियंत्रित करण्यासाठी केंद्र सरकारच्या धोरणाचा भाग मानला जात आहे. अबकारी दरामध्ये वाढ झाल्याने सर्व राज्यांमध्ये सुद्धा पेट्रोल, डिझेलचे भाव वाढणार आहेत. अबकारी दरामध्ये वाढ होताच, तेल कँपन्या ते ग्राहकांना देऊ शकतात, ज्यामुळे पेट्रोल आणि डिझेलच्या किमतींमध्ये लवकरच वाढ होऊ शकते, अशी चर्चा सुरू आहे. सध्या कच्च्या तेलाच्या आंतरराष्ट्रीय किमतीत अस्थिरता आहे. पण यामुळे सर्वसामान्यांच्या खिशावर अतिरिक्त भार पडणार नाही, असा दावा केंद्र सरकारने केला आहे. एलपीजी सिलिंडरच्या किमतीत वाढ केल्यामुळे सर्वसामन्यांना महागाईचा झटका बसला आहे. केंद्र सरकारने एलपीजी सिलिंडरच्या किमतीत ५० रुपयांची वाढ केली आहे. केंद्रीय पेट्रोलियम मंत्री हरदीप सिंग पुरी यांनी आज (०७ एप्रिल) वितरण कंपन्यांनी स्वयंपाकाचा गॅस किंवा एलपीजीच्या १४.२ किलो सिलिंडरच्या किमतीत वाढ जाहीर केली आहे. त्यामुळे पूर्वी ५०३ रुपयांना मिळणारा उज्ज्वला गॅस सिलिंडर आता ५५३ रुपयांना मिळणार आहे. तर ८०३ रुपयांना मिळणारा एलपीजी ८५३ रुपयांना मिळणार आहे. गॅस सिलिंडरच्या नवीन किमती आज मध्यरात्री-पासून लागू होतील.....