🌟नांदेड दक्षिण मध्य रेल्वे प्रशासनाची महत्वपूर्ण घोषणा : पनवेल,पुणे व अंबा अंदुरा एक्सप्रेसमध्ये डब्यांची कायमस्वरूपी वाढ...!

🌟पनवेल,पुणे एक्सप्रेसमध्ये दोन तर अंबा अंदुरा एक्सप्रेसमध्ये तीन अतिरिक्त डब्बे🌟

नांदेड : नांदेड दक्षिण मध्य रेल्वे विभागाने उन्हाळ्यात होणारी प्रवाशांची गर्दी पाहता नांदेड-पनवेल,नांदेड-पुणे एक्सप्रेसमध्ये दोन डब्यांची तर नांदेड-अंबा अंदुरा एक्सप्रेसमध्ये तीन डब्यांची कायमस्वरुपी वाढ करण्यात आली आहे त्यामुळे पनवेल,पुणे आणि आंबा अंदुरा मार्गावर प्रवास करणार्‍या प्रवाशांची सोय होणार आहे.

            गाडी क्रमांक 17614 / 17613 नांदेड - पनवेल - नांदेड एक्स्प्रेसमध्ये दोन तृतीय श्रेणी वातानुकूलीत दोन डब्बे 1 मे पासून आणि पनवेल येथून 2 मे पासून वाढविण्यात येणार आहेत. त्यामुळे आता  डब्यांची एकूण संख्या 17 एवढी झाली आहे. तर गाडी क्रमांक 17630 / 17629  नांदेड - पुणे - नांदेड एक्स्प्रेसमध्ये दोन तृतीय श्रेणी वातानुकूलित डब्बे 3 मे पासून आणि पनवेल येथून 4 मे पासून कायम स्वरुपात वाढविण्यात येणार आहेत. त्यामुळे आता डब्यांची एकूण संख्या 17 एवढी झाली आहे. आणी गाडी क्रमांक 22709 / 22710 नांदेड - अंबा अंदुरा - नांदेड एक्स्प्रेसमध्ये एक तृतीय श्रेणी वातानुकूलित व 2 द्वितीय श्रेणी शयन यान असे तीन डब्बे नांदेड येथून आज 29 एप्रिल पासून व अंबा अंदुरा येथून 1 मे पासून कायम स्वरुपात वाढविण्यात आले आहेत. त्यामुळे आता डब्यांची एकूण संख्या 18 एवढी झाली आहे.

नांदेड, पुणे आणि अंबा-अंदुरा या मार्गावर प्रवास करणार्‍या प्रवाशांनी या बदलाची नोंद घेण्याचे आवाहन दक्षिण मध्य रेल्वेच्या नांदेड विभागाने केले आहे......