🌟पुर्णेत माजी राज्यमंत्री बच्चुभाऊ कडू यांच्या नेतृत्वाखाली घरकुल हक्क परिषद व शेतकरी संपूर्ण कर्जमाफी मेळावा....!

🌟कार्यक्रमाला माजी राज्यमंत्री बच्चुभाऊ कडू हे करणार मार्गदर्शन🌟 

परभणी - प्रहार जनशक्ती पक्षाचे संस्थापक अध्यक्ष तथा माजी राज्यमंत्री बच्चूभाऊ कडू यांच्या उपस्थितीत व नेतृत्वाखाली राज्य शासनाला कुंभकर्णाच्या झोपेतून जाग करण्यासाठी व जिल्ह्यातील विविध मागण्यांसाठी शुक्रवार दि.१८ रोजी राजारामबापू सभागृह, जुना मोंढा पूर्णा येथे घरकुल हक्क परिषद व शेतकरी संपूर्ण कर्जमाफी भव्य मेळाव्याचे आयोजन करण्यात आले आहे. या कार्यक्रमाला माजी राज्यमंत्री बच्चुभाऊ कडू हे मार्गदर्शन करणार असून कार्यक्रमास प्रहार जनशक्ती पक्षाचे जिल्हाप्रमुख, उपजिल्हाप्रमुख व जिल्ह्यातील सर्व तालुका व शहर प्रमुख उपस्थित राहणार आहेत शेतकऱ्यांची संपूर्ण कर्जमाफी करून सातबारा कोरा करणे, प्रत्येक नागरिकाला हक्काचे घरकुल मिळावे व शेतीमाल हमीभावानेच खरेदी करण्यात यावा या प्रमुख मागण्यासह

१. दिव्यांगांना सहा हजार रूपये प्रति महिना देण्यात यावा

२. दिव्यांग निराधार विधवा व परितक्त्या भगीनी यांना घरकुलात प्राधान्य - देण्यात यावे.

३. भूमीहीन बेघर दिव्यांगाना एक गुंठा जागा  घरकुला साठी देण्यात यावी.

४. घरकुलासाठी ५ लाख रू. निधी व शहर, ग्रामिण भागात समान निधी देण्यात यावा.

५. दिव्यांगाची १० लाखाची आरोग्य विमा - पॉलिसी सरकारने काढावी.

६. दिव्यांगाना व्यवसाय करण्यासाठी ग्रामपंचायत ने जागा उपलब्ध करून द्यावे.

७. घरकुलासाठी मोफत रेती शासनाच्या आदेशाचे अंमलबजावणी करण्यात यावी.

८. पेरणी ते कापणी पर्यंत चे सर्व कामे (रोजगार हमी योजना) मार्फत कामे करण्यात यावे.

९. शेतकऱ्यांची सरसकट कर्ज माफी करण्यात यावी व सातबारा कोरा करण्यात यावा.

१०. रोजगार सेवक व ग्रा.पं. रोजगारसेवक यांना सेवेमध्ये समाविष्ट करण्यात यावे.

११. शेतीमाल हमी भावानेच खरेदी करण्यात यावा व हमी भावाने शेतीमाल खरेदी नाकरणाऱ्या व्यापाऱ्यावर कायदेशिर कारवाई करण्यात यावी.

या मेळाव्याला जास्तीत जास्त लोकांनी उपस्थित राहावे असे आवाहन प्रहार जनशक्ती पक्षाचे परभणी जिल्हा प्रमुख शिवलिंगभाऊ बोधने, शिवहार सोनटक्के तालुकाप्रमुख पूर्णा, विष्णू भाऊ बोकारे, संजय वाघमारे, सचिन सोनकांबळे श्रीहरी इंगोले, विठ्ठल जोगदंड, बळीराम गुंडाळे यांच्यासह प्रहार जनशक्ती पक्षाच्या सर्व पदाधिकारी व कार्यकर्त्यांच्या वतीने करण्यात आले आहे......