🌟भारतीय रिझर्व्ह बँकेचा रेपोरेट ६ वर : आरबीआयकडून 'ट्रम्पकार्ड'चा मुकाबला....!

🌟अशी घोषणा रिझर्व्ह बँकेचे गव्हर्नर संजय मल्होत्रा यांनी बुधवारी केली🌟

मुंबई :- अमेरिकेचे राष्ट्राध्यक्ष डोनाल्ड ट्रम्प यांच्या भूमीकेमुळे जगभरात सध्या टॅरीफवॉरमुळे शेअर बाजार गडगडत आहेत. भारतीय अर्थव्यवस्थेवर याचा परिणाम होवू नये म्हणून भारतीय रिझर्व्ह बँकेने आपल्या रेपो रेटमध्ये कपात करुन तो सहा टक्क्यावर आणला आहे. अशी घोषणा रिझर्व्ह बँकेचे गव्हर्नर संजय मल्होत्रा यांनी आज बुधवार दि.०९ एप्रिल रोजी केली.

अमेरिकेचे राष्ट्राध्यक्ष डोनाल्ड ट्रम्प यांच्या आक्रमक टॅरिफ धोरणामुळे जागतिक भांडवली बाजारात अस्थिरता निर्माण झाली आहे. त्याचा फटका भारतालाही बसला होता. या पार्श्वभूमीवर आरबीआयने घेतलेला हा निर्णय भारतीय गुंतवणूकदार व सर्वसामान्यांना मोठा आणि अत्यंत महत्त्वाचा दिलासा मानला जातो. महागाई दर फेब्रुवारीत ३.६१% पर्यंत खाली आल्यानंतर रेपो रेट कपातीची शक्यता वर्तवली जात होती. ही शक्यता खरी ठरवत आरबीआयने सामान्य नागरिकांना दिलासा दिला आहे. रेपो रेट कपात केल्याने गृहकर्ज, वाहन कर्ज व वैयक्तिक कर्जाचे हप्ते कमी होण्याची शक्यता आहे.