🌟महाराष्ट्र राज्यातील मुख्यमंत्री लाडकी बहिण योजनेतील लाभार्थी बहिणींच्या खात्यात अक्षय तृतीयेला पैसे जमा होणार...!

🌟आर्थिक परिस्थिती सुधारल्यानंतर आम्ही महिलांना २१०० देऊ असं अजित पवारांनी म्हटलं आहे🌟

मुंबई : महाराष्ट्र राज्यातील मुख्यमंत्री माझी लाडकी बहीण योजनेतील महिलांना आतापर्यंत सरकार कडून ९ हप्ते प्राप्त झाले आहेत त्यानंतर आता या योजनेतील लाभार्थी महिला एप्रिल महिन्याच्या हप्त्याच्या प्रतीक्षेत आहेत मुख्यमंत्री लाडकी बहीण योजनेचा एप्रिलचा हप्ता अक्षय तृतीयेच्या मूहूर्तावर येण्याची शक्यता आहे. आतापर्यंत ६ एप्रिलला रामनवमीच्या दिवशी पैसे येण्याची शक्यता वर्तवली जात होती परंतु रामनवमी उलटून गेली तरीही अद्याप पैसे जमा झाले नाहीत.

दरम्यान आता अक्षय तृतीयेच्या मूहूर्तावर महिलांच्या खात्यात पैसे येऊ शकतात. ३० एप्रिल २०२५ रोजी अक्षय तृतीया आहे. एप्रिल महिन्याच्या शेवटच्या आठवड्यात पैसे येतील, अशी माहिती समोर येत आहे. त्यात एप्रिलच्या शेवटच्या आठवड्यात अक्षय तृतीया आहे. त्यामुळे हा मूहूर्त साधून याच दिवशी पैसे येऊ शकतात. अद्याप याबाबत कोणतीही माहिती समोर आलेली नाही. लाडक्या बहिणींना २१०० रुपये देण्याचे आश्वासन महायुती सरकारने दिले होते. मात्र, याबाबत कोणतीही घोषणा करण्यात आलेली नाही. आर्थिक परिस्थिती सुधारल्यानंतर आम्ही महिलांना २१०० देऊ, असं अजित पवारांनी म्हटलं आहे. याचसोबत महिला व बालविकास मंत्री आदिती तटकरेंनीही याबाबत माहिती दिली होती. जाहिरनामा हा ५ वर्षांसाठी असतो. या काळात आम्ही लाडक्या बहिणींना कधीही २१०० रुपये देऊ. याचाच अर्थ असा की येत्या ५ वर्षात लाडक्या बहिणींना २१०० रुपये येऊ शकतात.

लाडकी बहीण योजनेत पैसे जमा झाले की नाही तुम्ही ऑनलाइन पद्धतीने चेक करु शकतात. पैसे क्रेडिट झाल्यावर तुमच्या फोनवर मेसेज येईल. याचसोबत तुम्ही ऑनलाइन बँकिंग अॅपवर जाऊन बॅलेंस चेक करु शकतात. ऑफलाइन पद्धतीने तुम्ही बँकेत जाऊन पैसे आलेत की नाही चेक करु शकतात. बँकेत पासबुकवर एन्ट्री केल्यावर तुम्हाला पैसे जमा झालेत की नाही हे समजेल......