🌟राज्याचे उपमुख्यमंत्री तथा राष्ट्रवादी काँग्रेस पक्षाचे राष्ट्रीय अध्यक्ष अजित पवार २६ एप्रिल रोजी परभणी जिल्हा दौऱ्यावर...!

🌟जिल्हाधिकारी कार्यालयात सकाळी १०.३० वाजता आयोजित बैठकीत जिल्हास्तरीय विविध विकासकामांचा ते आढावा घेतील🌟

परभणी (दि.२६ एप्रिल २०२५) : महाराष्ट्र राज्याचे उपमुख्यमंत्री तथा राष्ट्रवादी काँग्रेस पक्षाचे राष्ट्रीय अध्यक्ष अजित पवार हे उद्या शनिवार दि.२६ एप्रिल २०२५ रोजी परभणी जिल्हा दौऱ्यावर येत आहेत त्यांच्या दौऱ्याचा तपशील पुढीलप्रमाणे आहे. 

उपमुख्यमंत्री अजित पवार यांचे नांदेड येथून मोटारीने सकाळी 9:30 वाजता श्री क्षेत्र नृसिंह मंदिर, पोखर्णी येथे आगमन होईल. त्यानंतर दर्शन घेऊन ते मोटारीने परभणीकडे प्रयाण करतील सकाळी 10:30 वाजता जिल्हाधिकारी कार्यालयात आयोजित बैठकीत जिल्हास्तरीय विविध विकासकामांचा ते आढावा घेतील. दुपारी 12:00 वा. परभणी महानगरपालिका कार्यालय येथे महानगरपालिकेअंतर्गंत चालू असलेल्या विविध विकास कामांसंदर्भात आढावा घेतील. दु. 1:00 वा. अक्षदा मंगल कार्यालय, परभणी येथे आगमन व राखीव. दु. 2:00 वा. राखीव. सायंकाळी 5:00 वा. मौ. गुंज, ता. वसमत, जि. हिंगोली येथे आगमन.

****