🌟सोन्याच्या भावात प्रति तोळा ६ हजार २५० रुपयांची वाढ : आता एक तोळा सोन्यासाठी मोजावे लागणार ९६ हजार ४५० रुपये....!

🌟सोने-चांदी व्यापारातून किरकोळ व्यापारी होणार बाद ? सर्वसामान्य ग्राहकांनी सराफा व्यापारी पेठांकडे पाठ फिरवली🌟

मुंबई : सोने-चांदीच्या भावना दिवसेंदिवस प्रचंड प्रमाणात वाढ होत असल्यामुळे सोने-चांदी खरेदी करणाऱ्या सर्वसामान्य ग्राहकांनी सराफा व्यापार पेठेकडे अक्षरशः पाठ फिरवली असल्याचे निदर्शनास येत असून सोने-चांदी व्यापारातून किरकोळ व्यापारी होणार बाद होण्याची शक्यता निर्माण झाली आहे ? दरम्यान शुक्रवार दि.११ एप्रिल २०२५ रोजी दिल्लीत सोन्याचे भाव ६,२५० रुपयांनी वाढून ९६,४५० रुपये प्रति १० ग्रॅम या विक्रमी उच्चांकावर पोहोचले.

ऑल इंडिया सराफा असोसिएशनने म्हटले आहे की, अमेरिका-चीन व्यापार तणावात वाढ होत असताना सुरक्षिततेच्या दृष्टीने मागणी वाढल्याने आंतरराष्ट्रीय बाजारात मौल्यवान धातूच्या किमती वाढल्या आहेत.बुधवारी, ९९.९ टक्के शुद्धता असलेला पिवळा धातू ९०,२०० रुपये प्रति १० ग्रॅमवर बंद झाला होता चार दिवसांच्या तीव्र घसरणीनंतर पुन्हा एकदा सावरत,९९.५ टक्के शुद्धता असलेल्या सोन्याचा भाव ६,२५० रुपयांनी वाढून ९६,००० रुपये प्रति १० ग्रॅम या सर्वोच्च पातळीवर पोहोचला, जो मागील बंद दर ८९,७५० रुपये प्रति १० ग्रॅम होता.जागतिक बाजारपेठेतील चलनानुसार, चांदीच्या किमतीतही २,३०० रुपयांची वाढ होऊन ते ९५,५०० रुपये प्रति किलोग्रॅम झाले. मागील बाजार बंदच्या वेळी हा पांढरा धातू ९३,२०० रुपये प्रति किलोवर बंद झाला होता.

महावीर जयंतीनिमित्त गुरुवारी सराफा बाजार बंद होते, तर मल्टी कमोडिटी एक्स्चेंजवर जून डिलिव्हरीसाठी सोन्याचा वायदा १,७०३ रुपयांनी वाढून ९३,७३६ रुपये प्रति १० ग्रॅम या आजीवन उच्चांकावर पोहोचला.