🌟भारतीय व्यक्तीची अंतराळात ४० वर्षांनंतर झेप......!

🌟भारतीय हवाई दलातील ग्रुप कॅप्टन शुभांशु शुक्ला लवकरच आंतरराष्ट्रीय अंतराळ स्थानकाचा (खडड) दौरा करणार🌟

मुंबई : भारताच्या अंतराळ क्षेत्रासाठी लवकरच एक ऐतिहासिक क्षण येणार आहे भारतीय हवाई दलातील ग्रुप कॅप्टन शुभांशु शुक्ला लवकरच आंतरराष्ट्रीय अंतराळ स्थानकाचा (खडड) दौरा करणार आहेत. हे मिशन Axiom Mission 4 अंतर्गत मे महिन्यात प्रक्षेपित केले जाईल. यामध्ये चार देशांतील चार अंतराळवीरांचा समावेश असेल. शुभांशु शुक्ला या मोहिमेअंतर्गत अंतराळात जाणारे पहिले भारतीय ठरणार असून, ४० वर्षांनंतर एखाद्या भारतीयाचे अंतराळात जाण्याचे स्वप्न पूर्ण होणार आहे.

यापूर्वी १९८४ मध्ये राकेश शर्मा यांनी सोव्हिएत युनियनच्या अंतराळयानातून प्रवास केला होता. मोहिमेत भारत, पोलंड, हंगेरी आणि अमेरिकेतील अंतराळवीर सहभागी होणार आहेत. या मोहिमेअंतर्गत शुभांशु शुक्ला मिशन पायलट म्हणून अंतराळात जातील. त्यांच्यासोबत पोलंडचे स्लावोज उझनान्स्की आणि हंगेरीचे टिबोर कापू हे मिशन तज्ञ म्हणून सामील होतील. तर, अमेरिकन अंतराळवीर पेगी व्हिटसन या मोहिमेच्या कमांडर असतील. हे मिशन १४ दिवस चालेल, ज्यामध्ये वैज्ञानिक संशोधन आणि तांत्रिक चाचण्या घेतल्या जातील.