🌟पंजाब नॅशनल बँकेतील कोट्यवधीं रुपयांच्या घोटाळ्यतील घोटाळेबाज मेहुल चोक्सीला बेल्जियममधून अटक....!

🌟भारत सरकारच्या विनंतीनंतर बेल्जियम पोलिसांनी केली कारवाई🌟

नवी दिल्ली : पंजाब नॅशनल बँकेत कोट्यवधींचा घोटाळा करणारा मेहुल चोक्सी याच्या प्रत्यार्पणाची विनंती भारताने केल्यानंतर बेल्जियम पोलिसांनी त्याला अटक केल्याची माहिती समोर आली आहे. सीबीआयच्या विनंतीवरून शनिवारी त्याला अटक करण्यात आली आहे.

कोट्यवधींचा कर्ज घोटाळा करुन तो पळाला होता, १३ हजार ५०० कोटींचा घोटाळा केल्याचा आरोप मेहुल चोक्सी आणि त्याचा भाचा नीरव मोदीवर आहे. तसेच ईडी आणि सीबीआयने त्याला वाँटेड जाहीर केले होते. आता त्याला अटक करण्यात आल्याची माहिती समोर आली आहे. काही दिवसांपूर्वी मेहुल चोक्सी आजारी असल्याची माहिती समोर आली होती. त्याला कर्करोग झाला आहे अशीही शक्यता तेव्हा वर्तवण्यात आली होती. दरम्यान सीबीआयच्या विनंतीनंतर मेहुल चोक्सीला बेल्जियम पोलिसांनी अटक केली असल्याचे वृत्त एका इंग्रजी दैनिकाने दिले आहे.

मेहुल चोक्सीवर नोंदवण्यात आलेल्या गुन्ह्याच्या कायद्यानुसार फरार आर्थिक गुन्हेगार घोषित केल्यास चोक्सीच्या जप्त केलेल्या साऱ्या संपत्तीवर टाच आणण्याची - प्रक्रिया तपास यंत्रणेने सुरू केली आहे. त्यामुळे त्याची आर्थिक कोंडी करणे शक्य होईल. मात्र, मेहुल चोक्सीने प्रकृती अस्वस्थ्याचे कारण देऊन तूर्तास भारतात परतण्यास - शक्य नाही असे त्याच्या याचिकेत म्हटले आहे. त्यामुळे,  मेहुल चोक्सीची भारतात येण्याची प्रक्रिया आणखी काही  काळासाठी पुढे गेल्याची माहिती फेब्रुवारी महिन्यात समोर आली होती.

पासपोर्ट रद्द दरम्यान, मेहुल चोक्सीचा पासपोर्ट भारत सरकारकडून रद्द करण्यात आला आहे. पीएमएलए न्यायालयात चोक्सीच्या पासपोर्टच्या निलंबनासंदर्भातील कागदपत्रे आणि त्याच्याविरुद्ध अंमलबजावणी संचालनालयाच्या (ईडी) प्रकरणाच्या तपास फाईल्स मागवण्याचे निर्देशही यापूर्वी देण्यात आले होते. बेल्जियम पोलिसांनी मेहुल चोक्सीला अटक केल्याने आता त्याच्या प्रत्यार्पणाचा मार्ग मोकळा झाला आहे असेही म्हटले जात आहे.....