🌟जम्मू-काश्मीरमध्ये 'जैश-ए-मोहम्मद'च्या कमांडरसह ०३ दहशतवाद्यांचा सुरक्षा दलांनी गोळ्या घालून केला खात्मा...!

🌟जम्मू काश्मीर मध्ये मागील दोन दिवसांत भारतीय सुरक्षा दलांनी केलेल्या कारवाईत आतापर्यंत तीन दहशतवादी ठार🌟

जम्मू : भारतीय सुरक्षा दलांनी जम्मू-काश्मीरच्या किश्तवार या बर्फाच्छादित परिसरात काल शनिवार दि.१२ एप्रिल २०२५ रोजी दोन दहशतवाद्यांना गोळ्या घालून ठार केले. 

जम्मू काश्मीर मध्ये मागील दोन दिवसांत भारतीय सुरक्षा दलांनी केलेल्या कारवाईत आतापर्यंत तीन दहशतवादी ठार झाले आहेत. यापैकी एका दहशतवाद्याचा शुक्रवारी खात्मा करण्यात आला होता. सुरक्षा दलांनी गोळ्या घालून ठार केलेले तीनही दहशतवादी पाकिस्तानस्थित जैश-ए-मोहम्मद या दहशतवादी संघटनेशी संबंधित होते ठार झालेल्या दहशतवाद्यांमध्ये सैफुल्लाह या कमांडरचाही समावेश आहे गेल्या बुधवारी हाती घेण्यात आलेली ही मोहीम अद्यापही सुरू आहे....