🌟महाराष्ट्र सरकार राज्यातील एक लाख अंगणवाड्या प्राथमिक शाळांना जोडणार....!

🌟संबंधित यंत्रणांना कार्यवाहीच्या लेखी सूचना करण्यात आल्या जारी🌟

मुंबई : महाराष्ट्र राज्यातील आतापर्यंत शालेय शिक्षण विभागापासून अलिप्त असलेल्या राज्यातील एक लाखांवर अंगणवाड्या आता प्राथमिक शाळांसोबत जोडल्या जाणार आहेत शासनाच्या नव्या शिक्षण धोरणातील आकृतिबंधानुसार ३ ते ६ वर्षे वयोगटातील मुलांच्या शिक्षणावर भर देण्यासाठी हा बदल करण्यात येणार आहे.

त्यासाठी शिक्षण मंत्रालय आणि महिला बालविकास मंत्रालयाने एकत्रित पाऊल उचलत संबंधित यंत्रणांना कार्यवाहीच्या लेखी सूचना केल्या आहेत. महाराष्ट्रात सध्या एक लाख १० हजार ५२५ अंगणवाडी केंद्र कार्यरत आहेत. तर एक लाख ८ हजार २३७ शाळा आहेत. त्यातील ७९ हजार १५८ शाळांमध्ये प्राथमिकचे वर्ग आहेत. नव्या राष्ट्रीय शिक्षण धोरणानुसार आता शालेय शिक्षणाचा आकृतिबंध बदलला आहे. पूर्व प्राथमिक शिक्षणाचे तीन वर्ग तसेच इयत्ता पहिली व दुसरी असे पाच वर्ष मिळून 'पायाभूत शिक्षण' हा स्तर निर्माण करण्यात आला आहे....