🌟राज्यातील महायुती सरकारने 'एक राज्य,एक गणवेश' योजना गुंडाळली.....!

 

🌟प्रत्यक्ष अंमलबजावणीत फज्जा उडाल्याने सरकारला ही योजना गुंडाळावी लागली🌟

मुंबई : राज्यातील मुख्यमंत्री देवेंद्र फडणवीस उपमुख्यमंत्री एकनाथ शिंदे उपमुख्यमंत्री अजित पवार यांच्या नेतृत्वाखालील महायुती सरकारने गेल्या वर्षी मोठ्या थाटामाटात आणि वाजतगाजत सुरू केलेली 'एक राज्य,एक गणवेश' ही योजना अखेर गुंडाळली आहे  'एक राज्य,एक गणवेश' ही योजना प्रत्यक्ष अंमलबजावणीत फज्जा उडाल्याने सरकारला ही योजना गुंडाळावी लागली आहे.

जिल्हा परिषद शाळांमधील विद्यार्थ्यांसाठी ही योजना सुरू करण्यात आली होती. 'एक राज्य एक गणवेश' ही योजना अवघ्या एका वर्षातच गुंडाळण्याची वेळ राज्य सरकारवर आली आहे. सरकारने आता ही योजना गुंडाळून बासनात ठेवली असून गणवेश खरेदी आणि रंग निश्चितीचे अधिकार पुन्हा एकदा गावपातळीवरील शालेय व्यवस्थापन समित्यांना प्रदान करण्यात आले आहेत. येत्या शैक्षणिक वर्षापासून म्हणजे जून २०२५ पासून झेडपी शाळांमधील गणवेशासाठी कापड खरेदी आणि रंग निश्चिती ही कामे आता शालेय व्यवस्थापन समित्या करणार आहेत......