🌟नाशिक जिल्ह्यातील मालेगाव बॉम्बस्फोट खटल्याची सुनावणी एनआयएच्या विशेष न्यायालयात पूर्ण....!

🌟निकाल ८ मे रोजी जाहीर करण्यात येणार आहे असे एनआयए कोर्टाने सांगितले🌟

नाशिक :- नाशिक जिल्ह्यातील मालेगाव मध्ये सन २००८ साली झालेल्या बॉम्बस्फोटाच्या खटल्याची सुनावणी पूर्ण झाली असून या खटल्याचा निकाल एनआयएच्या विशेष न्यायालयाने राखीव ठेवला आहे हा निकाल येत्या दि.०८ मे २०२५ रोजी जाहीर करण्यात येणार आहे असे एनआयए कोर्टाने जाहीर केले आहे.

एनआयए न्यायालयाने सर्व पक्षकारांचे युक्तिवाद, साक्षीदारांची साक्ष आदींची कसून तपासणी केली आरोपी व सरकारी यंत्रणांनी युक्तिवाद केला. त्यानंतर कोर्टाने निकालासाठी वेळ मागितला. या प्रकरणात अनेक उच्चपदस्थ आरोपी असल्याने याच्या सुनावणीची दखल राष्ट्रीय पातळीवर घेतली जात होती.

हा स्फोट २९ सप्टेंबर २००८ रोजी झाला होता. ज्यात ६ जणांचा मृत्यू, तर १०० जण जखमी झाले होते.या प्रकरणाचा निकाल पीडित कुटुंबाबरोबरच देशातील न्यायव्यवस्था व दहशतवादाचा मुकाबला करण्यासाठी धोरणांसाठी महत्वाचा असेल. मालेगाव स्फोटाने धार्मिक व सामाजिक तणाव वाढवला होता. २००८ च्या मालेगाव बॉम्बस्फोट खटल्याची सुनावणी करणारे न्यायाधीश ए. के. लाहोटी यांची काही दिवसांपूर्वीच बदली झाली होती...