🌟राज्यातील विज कंत्राटी कामगाराचे प्रश्न सोडवा विधानसभा उपाध्यक्षांकडे तांत्रिक कंत्राटी कामगार असोसिएशनची मागणी...!

🌟अशी माहिती राज्यकार्याध्यक्ष विक्की कावळे यांनी प्रसिद्ध केलेल्या पत्रकात दिली आहे🌟 

नागपूर :- कंत्राटी कामगारांचे ज्वलंत प्रश्न अनेक वर्षापासुन प्रलंबित असल्याने प्रश्न सोडविण्याची मागणी राज्याचे विधानसभा उपाध्यक्ष ना. अण्णा बनसोडे यांच्या कडे निवेदनाद्वारे केली असल्याची माहिती तांत्रिक अप्रेंटिस कंत्राटी कामगार असोसिएशन ने केली असल्याची माहिती राज्यकार्याध्यक्ष विक्की कावळे यांनी प्रसिद्ध केलेल्या पत्रकात दिली आहे संघटनेने अनेक आंदोलनाच्या माध्यमातुन प्रलंबित प्रश्नाला वाचा फोडली आहे. तत्कालीन उर्जामंत्री महोदयांनी तात्काळ निर्णय घेवुन प्रश्न मार्गी लावण्याच आश्वासन दिले होते. शासन व प्रशासना सोबत अनेक वेळा चर्चा होवुन आश्वासित केलेले प्रश्न अद्याप पर्यंत मार्गी न लागल्यामुळे राज्यातील कंत्राटी कामगारांमध्ये प्रचंड असंतोष निर्माण झाला आहे.

कंत्राटी कामगारांना रोजंदारी पध्दतीने कामावर घेवुन शाश्वत रोजगारांची हमी दयावी, विदयुत सहायक, उपकेंद्र सहायक निकाल जाहीर झाल्याने महावितरण कंपनीमधील कार्यरत कंत्राटी कामगारांना कमी करण्यात येवु नये. अशा स्वरूपाची हमी देण्यात यावी, महावितरण, महापारेषण, महानिर्मीती कंपनीमध्ये कार्यरत कंत्राटी कामगारांकरीता विशेष भरती मोहीम राबवावी, कंत्राटी कामगारांना सरळ सेवा भरती मध्ये आरक्षण देण्यात यावे, तिन्ही कपंनीतील कंत्राटी कामगारांकरीता मंडळ स्थापन करण्यात यावे , महावितरण, महानिर्मीती, महापारेषण कंपनीमध्ये शिकाऊ उमेदवारी पुर्ण केलेल्या प्रशिक्षणार्थी करीता मा. उर्जामंत्री महोदयांनी घोषित केलेल्या 25 टक्के वाढीव आरक्षणाची अमलबजावणी करण्यात यावी, कंत्राटदार बदल्यानंतर कंत्राटी कामगारांना परत कामावर घेण्यासाठी कंत्राटदाराकडुन पैसे ची मागणी, मानसिक छळ केला जातो. हे रोखण्यासाठी आपल्या स्तरावरून कंत्राटदारांना कार्यरत कामगारांनाच घेण्याची सक्ती करावी, तसेच संपर्क पोर्टल मध्ये कंत्राटी कामगारांची माहीती अपलोड केलेली असते विनाकारण कंत्राटी कामगारांकडुन कागदपत्राची मागणी करण्यात येवु नये, कंत्राटी कामगारांचा कालावधी पुर्ण होण्या अगोदर कंत्राटी कामगार पुरविण्याकरीता निविदा कार्यवाही करणे अपेक्षीत असतांना कंत्राट संपल्यानंतर 2 ते 3 महीने कालावधी प्रकीया पुर्ण करणे करीता लावला जात आहे. यामुळे कंत्राटी कामगारांचे मानसिक, शारीरिक व आर्थीक शोषण केल्या जात आहे. तरी कंत्राटी कालावधी पुर्ण होण्याअगोदरच नियमाप्रमाणे निविदा कालावधी प्रक्रीया पूर्ण करण्याच्या सुचना द्याव्या. उदा अमरावती मंडळ / अचलपुर विभाग आदी प्रश्न प्रलंबित आहेत.या प्रश्नावर शासन स्तरावर कार्यवाही करण्यात यावी अशी मागणी तांत्रिक अप्रेंटिस , कंत्राटी कामगार असोसिएशन प्रत्यक्ष भेटून केली आहे..या वेळी तांत्रिक कामगार युनियन केंद्रिय  अध्यक्ष दिलीप कोरडे, केंद्रिय सरचिटणीस प्रभाकर लहाने, केंद्रिय उपसरचिटणीस शिवाजी शिवनेचारी , दत्तात्रय रायकर,अभिजित वाघेरे  व तांत्रिक ॲप्रेंटिस,कंत्राटी कामगार असोसिएशनचे राज्य कार्याध्यक्ष विक्की कावळे उपस्थित होते.......