🌟मुंबईतील २६/११ च्या दहशतवादी हल्ल्यातील मास्टरमाईंड तहव्वुर राणा याचा एनआयएने घेतला ताबा....!

🌟तब्बल १९ वर्षानंतर २६/११ च्या दहशतवादी हल्ल्याचा मास्टरमाईंड लागला भारताच्या हाती🌟

नवी दिल्ली : मुंबईतील २६/११ च्या दहशतवादी हल्ल्यातील मास्टरमाईंड तहव्वूर राणाला आज गुरुवार दि.१० एप्रिल रोजी सकाळी अमेरिकेतून भारतात विशेष विमानाने आणण्यात आले. दिल्ली विमानतळावर राष्ट्रीय तपास यंत्रणा एनआयएने तहव्वुर राणाचा ताबा घेतला असून त्याला आजच न्यायालयासमोर हजर करण्यात येणार आहे. तब्बल १९ वर्षानंतर २६/११ च्या दहशतवादी हल्ल्याचा मास्टरमाईंड भारताच्या हाती लागला आहे.

अमेरिकेने लष्कर-ए-तोयबाला या दहशतवादी संघटनेला पाठिंबा दिल्याच्या कारणावरुन २६/११ च्या मुंबईवरील दहशतवादी हल्ल्यातील मुख्य सुत्रधार तहव्वूर राणाला पाकिस्तान समर्थित दहशतवादी नेटवर्कमध्ये राणाच्या भूमिकेसाठी अटक केली होती. मात्र, मुंबई हल्ल्याशी त्याचा थेट संबंध असल्याचा पुरावा न मिळाल्याने त्याला निर्दोष मुक्त करण्यात आले होते. २०१३ मध्ये अमेरिकन न्यालयाने डेनमार्क प्रकरणात राणाला १४ वर्षाच्या तुरुंगवासाची शिक्षा सुनावली होती. २६/११ चा मुंबई हल्ला-राणाने हेडलीला मुंबईत बेकायदेशीरपणे भारतात येण्यासाठी मदत केली होती. त्याने आपल्या व्यवसायाचा व्यापर हेडलीली भारतात आणण्यासाठी केला. २६/११ च्या हल्ल्याचा तो मास्टरमाईंड होता असा त्याच्यावर आरोप आहे. दिल्लीत एनआयएकडून त्याची चौकशी झाल्यानंतर कदाचित त्याचा ताबा मुंबई पोलीसांकडे दिला जाण्याची शक्यता आहे.......