🌟महाराष्ट्र राज्य परिवहन (एसटी महामंडळ) साठी सल्लागारांची नेमणूक ?

🌟पूर्वी नेमलेल्या सल्लागारांचा अनुभव चांगला नसल्याचा आरोप एसटी कर्मचारी काँग्रेसचे सरचिटणीस श्रीरंग बरगे यांनी केला🌟

मुंबई : महाराष्ट्र राज्य परिवहन महामंडळाची (एसटी) आर्थिक स्थिती दिवसेंदिवस चिंताजनक बनत असल्यामुळे एसटी महामंडळाला उभारी देण्यासाठी सल्लागार नेमण्याच्या हालचाली सुरू झाल्या आहेत.

 या प्रयोगातून एसटी महामंडळ उभारी घेईल मात्र पूर्वी नेमलेल्या सल्लागारांचा अनुभव चांगला नसल्याचा आरोप महाराष्ट्र एसटी कर्मचारी काँग्रेसचे सरचिटणीस श्रीरंग बरगे यांनी व्यक्त व्यक्त केला आहे. एसटीच्या पडिक मोकळ्या जागा विकसित करण्यासाठी व प्रवाशांच्या सेवेत अत्याधुनिक नवनवीन गाड्या सुरू करण्यासाठी मुख्यमंत्र्यांच्या निर्देशानुसार बांधकाम क्षेत्रातील नामांकित तज्ज्ञ सल्लागार व ऑटोमोबाइल क्षेत्रातील तज्ज्ञ सल्लागार नेमण्यासाठी हालचाली सुरू आहेत. याबाबतचा प्रस्ताव संचालक मंडळाच्या बैठकीत येणार असल्याचे सूत्रांनी सांगितले. यापूर्वी एसटीने नेमलेल्या सल्लागार कंपनीचा अनुभव पाहिला तर सदर कंपनीकडून अपेक्षित फायदा झालेला नाही. उलट या सल्ल्यासाठी करोडो रुपयांची रक्कम कंपनीला देण्यात आली आहे. व त्यातून फारसे काही हाताला लागले नसल्याचे दिसून आले आहे, असे श्रीरंग बरगे यांनी सांगितले आहे......