🌟मुंबईतील आझाद मैदानावर विविध मागण्यासाठी 7 मे रोजी आरोग्य विभागातील चतुर्थश्रेणी कर्मचार्‍यां धरणे आंदोलन....!

🌟आंदोलना संदर्भात आरोग्य विभागातील चतुर्थश्रेणी कर्मचार्‍यांची बैठक संपन्न🌟

🌟परभणी जिल्ह्यातील कर्मचारी दि.5 व 6 मे रोजी काळ्या फिती लावून करणार कामकाज🌟

परभणी : मुंबईतील आझाद मैदानावर आरोग्य विभागातील चतुर्थश्रेणी कर्मचार्‍यांच्या विविध मागण्यासाठी आरोग्य विभागातील कर्मचाऱ्यांकडून 7 मे रोजी लक्षवेधी धरणे आंदोलन करण्यात येणार असून सर्व कर्मचारी 5 व 6 मे रोजी काळ्या फिती लावून कामकाज करणार आहेत. 

            राज्य  सरकारी गट ड (चतुर्थश्रेणी) कर्मचारी मध्यवर्ती महासंघाचे राज्य अध्यक्ष  भाऊसाहेब पठाण यांच्या नेतत्वाखाली आरोग्य विभागातील चतुर्थश्रेणी कर्मचार्‍यांच्या जिव्हाळ्याच्या विविध मागण्यासाठी मोठं आंदोलन करण्याचा निर्णय घेण्यात आला आहे. राज्यातील आरोग्य विभागातील कर्मचांर्‍यांना 7 मे रोजी आझाद मैदान मुंबई येथे येण्याची हाक देण्यात आली आहे. या आंदोलनाची तयारी म्हणून सोमवार 28 एप्रिल रोजी येथील जिल्हा शासकीय रुग्णालय व जिल्ह्यातील आरोग्य कर्मचार्‍यांची बैठक आयोजित करण्यात आली होती. यावेळी 5 व 6 मे रोजी सर्व कर्मचारी काळ्या फिती लावून काम करणार असून 7 मे रोजी मुंबई येथे आयोजित आंदोलनात  सहभागी होणार आहेत, अशी माहिती देण्यात आली.

              या वेळी संघटनेचे जिल्हाध्यक्ष सिराज शेख, उपाध्यक्ष रमेश मुठेकर, महीला प्रमुख सोनाली साबळे, संघटक पवण कुरवडे, युवा प्रमुख गजानन जावळे पाटील, प्रशांत राठोड, भीमा राठोड, राजू कद्रम, अनिल गायकवाड, जाफर शेख, जमीर शेख, मीनाताई शेळके, नागरगोजे, अनिल कडेरे, धर्मसिंग टाक, मुकादम सुभाष कडेरे, महमूद शेख, परमेश्‍वर करभोई, दत्ता काळे, मुंजा नेटकं, मुख्तार शेख, चंद्रकांत बेंडसुरे, श्रीनिवास कांठे यांच्यासह अन्य कर्मचारी मोठ्या संख्येने उपस्थित होते.