🌟केंद्रातील पंतप्रधान नरेंद्र मोदी सरकारने उत्तराखंड राज्यातील तिर्थक्षेत्र केदारनाथ धामसाठी रोपवे प्रकल्पाला दिली मंजुरी....!

🌟त्यासाठी येणार ४०८१ कोटी रुपयांचा खर्च : नऊ तासांचा प्रवास अवघ्या ३६ मिनिटांत🌟

नवी दिल्ली : केंद्रातील पंतप्रधान नरेंद्र मोदी यांच्या नेतृत्वाखालील एनडीए सरकारने उत्तराखंड राज्यातील पवित्र तिर्थक्षेत्र केदारनाथ धामसाठी रोपवे प्रकल्पाला मंजुरी दिली आहे. सोनप्रयाग ते केदारनाथ असा १२.९ किलोमीटरचा रोपवे बांधण्यात येणार असून, त्यासाठी ४०८१ कोटी रुपये खर्च येणार आहे यामुळे नऊ तासांचा दिर्घ प्रवास अवघ्या ३६ मिनिटांवर येणार आहे.

'नॅशनल हायवे लॉजिस्टिक मॅनेजमेंट' कडे हा रोपवे बांधण्याची जबाबदारी देण्यात येणार आहे. या रोपवेमुळे केदारनाथचे अंतर फक्त ३६ मिनिटांवर येईल. सध्या पायी जाण्यासाठी ८-९ तासांचा वेळ लागतो. रोपवेद्वारे एकाचवेळी ३६ भाविक बसून केदारनाथ धामला पोहचू शकतील.चारधाम यात्रेला चालना केंद्र सरकारने हे पाऊल चारधाम यात्रेला चालना देण्यासाठी उचलले आहे. यामुळे स्थानिक व्यवसायांनाही फायदा होईल आणि क्षेत्राच्या आर्थिक विकासाला चालना मिळेल. यामुळे सहा महिने भाविकांची ये-जा सुरू असेल. शिवाय, प्रशासनावरील दबावही कमी होणार आहे. केदारनाथ रोपवे प्रकल्प 'उत्तराखंड रोपवे कायदा, २०१४' अंतर्गत काम करणार असून दुसरा प्रकल्प दशमेशपिता साहिब श्री गुरु गोविंदसिंघ साहिब यांचे पवित्र तपस्थान असलेल्या हेमकुंड साहिबमध्ये रोपवे प्रकल्प बांधण्यात येणार आहे ज्यासाठी २७३० कोटी रुपये खर्च केले जातील. या प्रकल्पाद्वारे हेमकुंड साहिब आणि व्हॅली ऑफ फ्लॉवर्सचे अंतर काही मिनिटांवर येईल......