🌟उपमुख्यमंत्री एकनाथ शिंदे यांच्यावरील विडंबनात्मक गाणे प्रकरणी हक्कभंग प्रस्ताव विशेषाधिकार समितीने स्विकारला...!

🌟कॉमेडियन कुणाल कामरा आणि सुषमा अंधारे यांच्या अडचणीत होणार वाढ🌟

मुंबई : राज्याचे माजी मुख्यमंत्री तथा विद्यमान उपमुख्यमंत्री तथा शिवसेना राष्ट्रीय अध्यक्ष भाई एकनाथ शिंदे यांच्यावर  विडंबनात्मक गाण्यातून गरळ ओकणाऱ्या कॉमेडियन कुणाल कामरा आणि कामराची पाठ राखन करणाऱ्या शिवसेना उबाठा गटाच्या उपनेत्या सुषमा अंधारे यांच्या विरोधातील हक्कभंग प्रस्ताव विशेषाधिकार समितीने स्विकारला असून संबंधितांना नोटीसा बजावण्यात आल्या आहेत.

यांच्यावर टीका करणार कॉमेडियन कुणाल कामरा आणि त्याची पाठराखण करणाऱ्या शिवसेना उपनेत्या सुषमा अंधारे यांच्या अडचणी वाढण्याची शक्यता आहे. या दोघांविरोधात विधान परिषदेचे सदस्य प्रविण दरेकर यांनी हक्कभंग प्रस्ताव मांडला होता. अखेर शुक्रवारी विशेषाधिकार समितीने हा हक्कभंग प्रस्ताव स्वीकारला आहे. तसेच या प्रकरणी दोन दिवसांत खुलासा करण्याची नोटीस अंधारे आणि कामरा यांना बजावण्यात आली आहे.

प्रवीण दरेकर म्हणाले की, कामरा याने उपमुख्यमंत्री शिंदे यांच्याबाबत विडंबनात्मक गाणे गायले. सुषमा अंधारे यांनी तेच गाणे बोलून दाखवताना, मुख्यमंत्री देवेंद्र फडणवीस यांच्यावर टीका केली. सोशल मीडियावर बोलताना अंधारे यांनी उपमुख्यमंत्र्यांबाबत चुकीची भाषा वापरली. अंधारे यांनी दोन्ही सभागृहाचा अवमान आणि अपमान केला आहे, असा आरोप करत हक्कभंग मांडला......