🌟उपमुख्यमंत्री एकनाथ शिंदे यांना उद्देशून विडंबनात्मक गाणे गाणाऱ्या कामरा विरोधात आणखी तीन गुन्हे दाखल....!

 

🌟प्रकरण पुढील कारवाईसाठी विशेषाधिकार समितीकडे पाठविण्यात आले🌟

मुंबई : महाराष्ट्र राज्याचे माजी मुख्यमंत्री तथा विद्यमान उपमुख्यमंत्री एकनाथ शिंदे यांना उद्देशून विडंबनात्मक गाणे गाणाऱ्या स्टँडअप कॉमेडियन कुणाल कामरा याच्याविरुद्ध आणखी तीन गुन्हे दाखल करण्यात आले आहेत. जळगावच्या महापौरांनी त्याच्याविरुद्ध गुन्हा दाखल केला असून नाशिकमध्ये एका हॉटेल व्यापाऱ्याने आणि व्यावसायिकाने गुन्हा दाखल केला आहे.

कामरा विरोधातील हे तिन्ही गुन्हे मुंबईच्या खार पोलीस ठाण्यात वर्ग करण्यात आल्याची माहिती खार पोलिसांनी दिली. मुंबई पोलिसांनी कुणाल कामराला दोन समन्स बजावले असून त्याला आता सोमवारी हजर राहण्याचे आदेश देण्यात आले आहेत. तसेच महाराष्ट्र विधान परिषदेच्या अध्यक्षांनी २७ मार्च २०२५ रोजी त्याच्याविरुद्धची हक्कभंगाची नोटीस स्वीकारली असून हे प्रकरण पुढील कारवाईसाठी विशेषाधिकार समितीकडे पाठविण्यात आले आहे......