🌟नांदेड परिसरात वंदे भारत,अमृत भारत किंवा एलएचबी रेल्वे कोच निर्मितीसाठी चाचपणी सुरू.....!

🌟माजी मुख्यमंत्री खासदार अशोकराव चव्हाण यांची रेल्वेमंत्री अश्विनी वैष्णव यांच्याकडे मागणी🌟

नांदेड (दि.०५ मार्च २०२५) : महाराष्ट्र राज्याचे माजी मुख्यमंत्री तथा खासदार अशोकराव चव्हाण यांनी केंद्रीय रेल्वेमंत्री अश्विनी वैष्णव यांच्याकडे नांदेड परिसरात वंदे भारत,अमृत भारत किंवा एलएचबी कोचचा निर्मिती प्रकल्प उभारण्या संदर्भात मागणी केल्यामुळे या बाबत चाचपणी सुरु झाली असून दक्षिण मध्य रेल्वे प्रशासनाने याविषयी नांदेड विभागीय रेल्वे कार्यालयाकडून अहवाल मागवला आहे.   

राज्याचे माजी मुख्यमंत्री तथा भारतीय जनता पक्षाचे नेते खासदार अशोकराव चव्हाण यांनी जानेवारी २०२५ मध्ये केंद्रीय रेल्वे मंत्र्यांना नांदेड परिसरात रेल्वे कोच निर्मितीचा नवा कारखाना उभारण्याची मागणी करताना या प्रकल्पासाठी नांदेड परिसर सर्वांगीणरित्या सुयोग्य असल्याचे सूचित केले होते नांदेडचे भौगोलिक स्थान मध्यवर्ती असून,महामार्ग,रेल्वे लोहमार्ग व हवाई मार्गाने चांगली कनेक्टिव्हिटी उपलब्ध आहे नांदेड परिसरात मोठ्या प्रमाणात जमीन व पाणी उपलब्ध आहे पंतप्रधान नरेंद्र मोदी यांच्या नेतृत्वाखाली देशभरातील रेल्वेच्या पायाभूत बळकट करण्याचे काम वेगाने सुरु आहे त्यामुळे वंदे भारत,अमृत भारत व एलएचबी कोचची मोठ्या प्रमाणात आवश्यकता असून, ही वाढती मागणी पूर्ण करण्यासाठी या कोचेसच्या निर्मितीचा प्रकल्प नांदेड परिसरात सुरु करावाअशी मागणी खासदार अशोकराव चव्हाण यांनी केली होती. त्यांच्या मागणीची रेल्वे मंत्र्यांनी तातडीने दखल घेत माहिती संकलन सुरु केले आहे. उपलब्ध माहितीनुसार, दक्षिण मध्य रेल्वेने नांदेड विभागीय कार्यालयाकडून याबाबत अहवाल मागवला आहे.......