🌟नागपूरात औरंगजेब कबर प्रकरणी झालेल्या दंगल प्रकरणात ५० समाजकंटकांवर देशद्रोहाचा गुन्हा दाखल....!

🌟या दंगलीत काही महिला पोलीसांसह अधिकारी आणि ३३ पोलीस जखमी झाले होते🌟

नागपूर : राज्याची उपराजधानी नागपूर येथे औरंगजेब कबर प्रकरणी झालेल्या हिन्दूत्ववादी संघटनांच्या आंदोलनानंतर समाजकंटकांनी केलेल्या मोठ्या प्रमाणावर हिंसाचार घडवून जाळपोळीसह दंगल घडवली होती याप्रकरणी नागपूर पोलीसांनी मुख्य आरोपी फहीम खानसह ५० जणांविरुध्द देशद्रोहासह गंभीर गुन्हे दाखल केले आहेत.

नागपूर मध्ये सोमवार दि.१७ मार्च २०२५ रोजी हिंदूत्ववादी संघटनांनी औरंगजेबाची कबर हटवावी या मागणीसाठी राज्यव्यापी आंदोलन केले. या दरम्यान नागपूरमध्ये औरंगजेबच्या प्रतिकात्मक कबरीचे दहन करण्यात आले. दहन करतांना धार्मिक मजकूर लिहिलेला हिरवा कपडा जाळण्यात आल्याचे काही जणांनी समाज माध्यमांवर व्हायरल केले होते. त्यानंतर सायंकाळी नागपूर शहरातील काही भागात प्रचंड दगडफेक आणि जाळपोळ झाली होती. या दंगलीत काही महिला पोलीसांसह अधिकारी आणि ३३ पोलीस जखमी झाले होते. या पार्श्वभूमीवर पोलिसांनी चौकशी करत अनेक संशयितांवर लक्ष केंद्रित केले आणि यामागे मास्टरमाइंड म्हणून फहीम खानचे नाव समोर आले. मायनॉरिटी डेमोक्रॅटिक पार्टी चे शहराध्यक्ष असलेल्या फहीम खान शमीम खान यांनी काही युवकांनी 'आयत' असलेली चादर जाळल्याचे सांगून हे धार्मिक भावना दुखावल्याचा आरोप केला होता. यानंतर, फहीम खान यांनी गणेशपेठ पोलीस ठाण्यात निवेदन देऊन चादर जाळणाऱ्यांवर कारवाई करण्याची मागणी केली. नागपूर दंगलीच्या पार्श्वभूमीवर राज्य सरकार आणि पोलिस प्रशासनाने कठोर भूमिका घेतली आहे. आरोपींवरील देशद्रोहाच्या गुन्ह्यामुळे त्यांच्यावर मोठ्या शिक्षेची टांगती तलवार आहे.....