🌟भारताचे उपराष्ट्रपती जगदीप धनखड अस्वस्थ : दिल्लीतील 'एम्स' रुग्णालयात दाखल....!

 

🌟एम्स रुग्णालयाच्या हृदयरोग विभागाचे प्रमुख डॉ.राजीव नारंग यांच्या देखरेखीखाली त्यांच्यावर अतिदक्षता विभागात उपचार सुरू🌟

नवी दिल्ली : भारताचे उपराष्ट्रपती जगदीप धनखड यांची तब्येत अस्वस्थ झाल्यामुळे त्यांना दिल्लीतील 'एम्स' रुग्णालयात दाखल करण्यात आले आहे अस्वस्थता व छातीत दुखत असल्याची तक्रार त्यांनी शनिवार दि.०८ मार्च २०२५ रोजी रात्री केली होती.

त्यानंतर दि.०९ मार्च २०२५ रोजी मध्यरात्री ०२.०० वाजता त्यांना दिल्लीतील'एम्स' रुग्णालयात उपचारासाठी दाखल करण्यात आले. 'एम्स' रुग्णालयाच्या हृदयरोग विभागाचे प्रमुख डॉ. राजीव नारंग यांच्या देखरेखीखाली त्यांच्यावर अतिदक्षता विभागात उपचार सुरू असून त्यांची प्रकृती स्थिर आहे. पंतप्रधान नरेंद्र मोदी यांनी रविवार दि.०९ मार्च २०२५ रोजी 'एम्स' रुग्णालयात जाऊन उपराष्ट्रपतींची विचारपूस केली यावेळी पंतप्रधान मोदी म्हणाले की 'ते लवकरात लवकर बरे व्हावेत अशी मी प्रार्थना करतो' केंद्रीय आरोग्यमंत्री जे.पी. नड्डा यांनीही 'एम्स' रुग्णालयात जाऊन धनखड यांच्या प्रकृतीची विचारपूस केली......