🌟अलंकारांचा जाहीर लिलाव गुढीपाडव्याच्या शुभमुहूर्तावर रविवार दि.३० मार्च रोजी करण्यात येणार🌟
मुंबई : मुंबई येथील श्री सिद्धिविनायक देवस्थानात श्री गणेशाच्या चरणी भक्तांनी अर्पण केलेल्या सोन्याच्या दागिन्यांचा ज्यात श्रीगणेश प्रतिमा,लॉकेट्स,मोदक,अंगठ्या, सोन्याच्या साखळ्या हार इत्यादी अलंकारांचा जाहीर लिलाव गुढीपाडव्याच्या शुभमुहूर्तावर रविवार दि.३० मार्च २०२५ रोजी सकाळी ११.०० ते सायंकाळी ५.०० या कालावधीत सिद्धिविनायक मंदिर न्यासातर्फे आयोजित करण्यात आला आहे.
या लिलावासाठी उपलब्ध असलेले अलंकार लिलावादिवशी मंदिराच्या आवारात प्रदर्शनार्थ ठेवण्यात येणार आहे. सदर प्रक्रीया पूर्णपणे शासन नियमाप्रमाणे होईल. त्याबरोबरच, भारत सरकार टांकसाळ यांचेकडून बनवून घेतलेली श्री सिद्धिविनायकाची प्रतिमा असलेली ९९९ प्रतिची शुद्ध चांदीची नाणी ११ ग्रॅम, २१ ग्रॅम, ५१ ग्रॅम वजनाची विक्रीकरिता उपलब्ध आहेत लिलाव व नाणी विक्री संबंधीचे सर्व अधिकार न्यासाने राखून ठेवलेले आहेत. श्री सिद्धिविनायकाच्या भक्तांनी या लिलावात मोठ्या संख्येने सहभागी व्हावे, असे आवाहन न्यास व्यवस्थापन समितीने केले आहे.....
0 टिप्पण्या