🌟अमृतसर मधील खांडवाला येथील ठाकूरद्वारा मंदिरा बाहेर झालेल्या ग्रेनेड हल्ल्यातील एक हल्लेखोर चकमकीत ठार...!

🌟पोलिसांनी दिलेल्या माहितीनुसार ठार झालेल्या आरोपीचे नाव गुरसिदक ऊर्फ सिदकी ऊर्फ जगजीत सिंग असे आहे🌟

अमृतसर : अमृतसरमधील खांडवाला येथे ठाकूरद्वारा मंदिराबाहेर तीन दिवसांपूर्वी ग्रेनेड हल्ला करण्यात आला होता. त्यामधील एक हल्लेखोर सोमवारी सकाळी पोलिसांबरोबर झालेल्या चकमकीत ठार झाला. पोलिसांनी दिलेल्या माहितीनुसार, मृत आरोपीचे नाव गुरसिदक ऊर्फ सिदकी ऊर्फ जगजीत सिंग असे आहे, तर त्याचा साथीदार चुई उर्फ राजू सध्या फरार आहे.

अमृतसर येथील विमानतळ मार्गावर हल्लेखोर आणि अमृतसर पोलीस यांच्यात सोमवारी सकाळी चकमक झाली, ज्यात एका हल्लेखोराला ठार करण्यात आले. अमृतसरमधील सुवर्ण मंदिराच्या परिसरात एका व्यक्तीने केलेल्या सशस्त्र हल्ल्यात पाच जण जखमी झाले होते. या हल्ल्यानंतर काही दिवसांनी ठाकूरद्वारा मंदिरावर ग्रेनेड हल्ला करण्यात आला.

शुक्रवारी रात्री ठाकूरद्वारा मंदिराबाहेर ग्रेनेड फेकण्यात आला होता. या हल्ल्यात पुजारी सुखरूप वाचला. पोलिसांनी मंदिराबाहेर सीसीटीव्ही हस्तगत करून त्यात दुचाकीवरून दोन हल्लेखोर आले असल्याचे सांगितले होते......