🌟अमेरिकन कंपनी 'फायरफ्लाय एअरोस्पेस'चे 'ब्लू घोस्ट लँडर खासगी यानाचे चंद्रावर पाऊल...‌!

🌟पृथ्वीवरून चंद्रावर दिसणाऱ्या विशाल 'सी ऑफ क्रायसिस'चा अभ्यास करणे हा या मोहिमेचा उद्देश🌟

वॉशिंग्टन : अमेरिकन कंपनी 'फायरफ्लाय एअरोस्पेस'चे 'ब्लू घोस्ट लँडर' यान रविवारी चंद्राच्या पृष्ठभागावर यशस्वीरीत्या उतरले. चंद्रावर उतरणारे हे दुसरे खासगी यान आहे. 'ब्लू घोस्ट' या यानाचे प्रक्षेपण एलॉन मस्क यांची कंपनी 'स्पेसएक्स'चे रॉकेट 'फाल्कन ९' वरून १५ जानेवारी २०२५ रोजी करण्यात आले. 

पृथ्वीवरून चंद्रावर दिसणाऱ्या विशाल 'सी ऑफ क्रायसिस'चा अभ्यास करणे हा या मोहिमेचा उद्देश आहे. चंद्रावर उतरल्यानंतर काही वेळातच 'ब्लू घोस्ट'ने चंद्राचे फोटो पाठवणे सुरू केले. कंपनीने सांगितले की, चंद्रावर पडलेले हे पाऊल व्यावसायिक शोधाच्या दृष्टीने मोठी उडी आहे.