🌟एसटी महामंडळासह आगाराच्या आवारातील जाहिरातीची जागा शासनाला परस्पर देणार नाही....!

🌟राज्याचे परिवहनमंत्री प्रताप सरनाईक यांचे आश्वासन🌟

मुंबई : एसटी महामंडळातील बसस्थानकासह आगाराच्या आवारातील जाहिरातीच्या जागांवर शासनाच्या जाहिराती प्रसिद्ध करण्याची निविदा शासनाच्या माहिती व तंत्रज्ञान संचालनालयाने परस्पर काढून एसटीच्या १४० जागा परस्पर ताब्यात घेण्याचा प्रयत्न केला होता त्याला राज्याचे परिवहन मंत्री प्रताप सरनाईक यांनी विरोध केला असून अशी एसटीची एकही जागा परस्पर दिली जाणार नाही असे स्पष्ट आश्वासनही परिवहन मंत्री प्रताप सरनाईक यांनी काल बुधवार दि.०५ मार्च २०२५ रोजी दिले.

या संदर्भात विधान भवनात महाराष्ट्र एसटी कर्मचारी काँग्रेसचे सरचिटणीस श्रीरंग बरगे यांनी सरनाईक यांची भेट घेतली व निवेदन दिले. त्या वेळी त्यांनी हे आश्वासन दिले. एसटीच्या स्थानक परिसर व आवारात वर्षानुवर्षे विविध जाहिराती प्रसिद्ध केल्या जात असून त्यातून काही कोटींचे उत्पन्न महामंडळाला मिळत आहे. या जागा शासनाच्या जाहिरात विभागाने परस्पर ताब्यात घेण्याचा प्रयत्न केला असून त्यावर बळजबरीने अतिक्रमण करण्यात आले होते. या जागांवर शासनाच्या व खासगी जाहिराती प्रसिद्ध करण्यासाठीची निविदासुद्धा काढण्यात आली होती......