🌟परभणी जिल्हा क्रिडा अधिकाऱ्यासह अन्य एकाने थकीत बिलाच्या मंजूरीसाठी मागितली २ लाख ५० हजाराची लाच....!

🌟दिड लाख रुपयांची लाच स्वीकारताना जिल्हा क्रिडा अधिकारी नावंदेसह क्रिडा अधिकारी नानकसिंह बस्सी एसीबीच्या ताब्यात🌟

परभणी (दि.२७ मार्च २०२५) : परभणी जिल्हा क्रिडा विभागांतर्गत क्रिडा अकादमीच्या जागेवरील स्विमिंग पुल बांधकामासह या स्विमिंग पुलावर सन २०२४ यावर्षी आयोजित केलेल्या क्रिडा स्पर्धांच्या एकूण ९५ लाख रुपयांचे थकीत बिलांच्या मंजूरी करीता सुमारे ०१ लाख ५० हजार रुपयांची लाच स्विकारणार्‍या वादग्रस्त परभणी जिल्हा क्रिडा अधिकारी कविता नावंदे-निंबाळकर व क्रिडा अधिकारी नानकसिंघ बस्सी या दोन लाचखोर अधिकाऱ्यांना लाच लुचपत प्रतिबंधक खात्याच्या एका पथकाने आज गुरुवार दि.२७ मार्च २०२५ रोजी अत्यंत शिताफीने लाचेच्या रक्कमेसह ताब्यात घेण्याची धाडसी कारवाई केली 

 परभणी जिल्हा क्रिडा अकॅडमीच्या जागेवरील स्विमिंग पुलाच्या बांधकामासह या स्विमिंग पुलावर सन २०२४ यावर्षी आयोजित करण्यात आलेल्या क्रिडा स्पर्धांचे एकूण ९५ लाख रुपयांचे थकीत बिल मिळावे यासाठी संबंधित तक्रारकर्त्याने परभणी जिल्हा क्रिडा अधिकारी कार्यालयाकडे सातत्याने पाठपुरावा सुरु केला परंतु प्रत्येकवेळी जिल्हा क्रिडा अधिकारी कविता नावंदे यांनी जाणिवपूर्वक त्रुटी काढत संबंधित तक्रारदार यांचे थकीत बिल देण्यात टाळाटाळ केली त्यामुळे त्यांनी थकीत बिलांच्या मंजूरीकरीता क्रिडा अधिकारी नानकसिंघ बस्सी व जिल्हा क्रिडा अधिकारी नावंदे या दोघांच्या दि.०३ मार्च २०२५ रोजी प्रत्यक्ष भेटी घेतल्या त्यावेळी जिल्हा क्रिडा अधिकारी नावंदे यांनी त्यांना थकीत बिलांच्या मंजूरीसाठी ०२ लाख रुपये व क्रिडा अधिकारी बस्सी यांनी ५० हजार रुपये अशी एकूण ०२ लाख ५० हजार रुपयांच्या लाचेची मागणी केली संबंधित तक्रारकर्त्याने १३ मार्च रोजी जिल्हा क्रिडा अधिकारी नावंदे यांना क्रिडा अधिकारी बस्सी यांच्या समक्ष ०१ लाख रुपये सुपूर्त केले परंतु उर्वरित ०१ लाख ५० हजार रुपये द्यावयाची तक्रारकर्त्याची इच्छा नसल्याने तक्रारकर्त्याने दि.२४ मार्च २०२५ रोजी लाच लुचपत प्रतिबंधक खात्याकडे एक तक्रार दाखल केली या खात्याच्या पथकाने २४ मार्च २०२५ रोजीच लाच मागणीची पडताळणी केली परंतु जिल्हा क्रिडा अधिकारी नावंदे व क्रिडा अधिकारी बस्सी  शयांची भेट झाली नाही त्यामुळे दि.२५ मार्च २०२५ रोजी पुन्हा पडताळणी केली त्यावेळी जिल्हा क्रिडा अधिकारी नावंदे यांची भेट झाली तक्रारकर्त्याने प्रलंबित लाचे संदर्भात बोलले असता नावंदे यांनी पक्षा समक्ष तक्रारकर्त्यास बस्सी सर येतील ते करुन टाका असे म्हणून उर्वरित लाचेची रक्कम स्विकारण्यास सहमती दर्शविली या खात्याने त्या आधारे आज गुरुवार दि.२७ मार्च रोजी सापळा रचला व नानकसिंह बस्सी यास ५० हजार रुपये व जिल्हा क्रिडा अधिकारी नावंदे यांना ०१ लाख रुपयांची लाच स्विकारतांना रंगेहाथ ताब्यात घेतले.

             या पथकाने तातडीने दोघांचीही झडती घेतली. त्यात नावंदे यांच्या पर्समधून लाचेची रक्कम ०१ लाख रुपये व त्या व्यतिरिक्त ०६ हजार रुपये व मोबाईल तर बस्सी यांच्याकडून लाचेची रक्कम ५० हजार रुपये व त्या व्यतिरिक्त ०१ हजार ८३० रुपये रोख व मोबाईल जप्त केला यानंतर एसीबीच्या पथकाने जिल्हा क्रिडा अधिकारी नावंदे यांच्या परभणी येथील निवासस्थानाची झडती घेतली असता त्या ठिकाणी ०१ लाख ०५ हजार रुपये रोख रक्कम सापडली. या खात्याच्या पथकाने नावंदे यांच्या छत्रपती संभाजीनगर व पुणे येथील निवासस्थानाची तर बस्सी याच्या नांदेड येथील निवासस्थानाची घर झडती सुरु केली होती दरम्यान, या दोघा आरोपींविरोधात येथील नवा मोंढा पोलिस ठाण्यात गुन्हा दाखल करण्याची प्रक्रिया सुरु होती. या दोघांना पोलिसांनी ताब्यात घेतले. या खात्याचे पोलिस अधिक्षक संदीप पालवे, अप्पर पोलिस अधिक्षक डॉ. संजय तुंगार यांच्या नेतृत्वाखाली पोलिस उपअधिक्षक अशोक इप्पर,पोलिस निरीक्षक अलताफ मुलानी, एएसआय निलपत्रेवार, रविंद्र भुमकर, अनिरुध्द कुलकर्णी, सीमा चाटे, अतूल कदम, नामदेव आदमे, राम घुले,शाम बोधणकर, नरवाडे यांच्या पथकाने ही मोठी कारवाई केली......